लागु औषध चरेससहित दुई जाने पक्राउ

पहुरा समाचारदाता
धनगढी,२ पुस । सुदूरपश्चिम प्रदेश प्रहरी कार्यालय धनगढीसे खटल आरटीआई टोली ओ जिल्ला प्रहरी कार्यालय कैलालीसे खटल संयुक्त प्रहरी टोली लागु औषध चरेससहित दुई जनहनहे पक्राउ करले बा ।

विशेष सूचनाके आधारमे शनिच्चरके रोज साँझके सावा बजे कैलालीके धनगढी उप–महानगरपालिका ८ क्याम्पस चोक लग्गेसे जिल्ला बझाङ खप्तडछान्ना गाउँपालिका ३ घर रहल अब्बे जिल्ला कैलाली धनगढी उप–महानगरपालिका ८ धनगढी गाउँ बैठना बर्ष १९ के क्षितिज रावलहे सडकमे नेग्टी रहल अवस्थामे शंका लागके चेक जाँच करेबेर चरेश भेटल रहे । हुकानथेनसे लागु औषध चरेस १ किलो २०० ग्राम फेला परल जिल्ला प्रहरी कार्यालय कैलालीके प्रवक्ता वेद प्रकास जोशी बटैलै ।

ओस्टेक करके जिल्ला बझाङ छविस पाथीभरा गाउपालिका २ बैठना बर्ष ३६ के जक्सन रोकायाके ठेनसे लागु औषध चरेस ८०० ग्राम सहित हुकहिनहे नियन्त्रणमे लेहल बा । ओइनहे कार्यालयमे नानके अनुसन्धान कार्य हुइटी रहल उहाँ जनैलै ।