सशस्त्र प्रहरीसे प्रतिबन्धित विस्फोटक पदार्थके सामान बरामद

पहुरा समाचारदाता
हसुलिया, १० पुस । सशस्त्र प्रहरी गस्ती टोली कैलाली, कैलारी गाउँ पालिका वार्ड न ३ मोहनपुर स्थित नेपाल भारत सिमा ईलाकामे प्रतिबन्धित विस्फोटक पदार्थमे प्रयोग कैना समान बरामद करले बा ।

सशस्त्र प्रहरी बल नेपाल, बि ओ पि खोनपुरसे सशस्त्र प्रहरी निरीक्षक सुवास खत्रीके कमान्ड खटल मोबाइल गस्ती टोलीसे भारतसे अवैध रुपमे नेपाल ओर नन्टी रहल प्रतिबन्धित विस्फोटक पदार्थमे प्रयोग हुइना सामान सहिट एक जनहनहे शनिच्चरके रोज साढे ३ बजे पक्राउ करले बा ।

पक्राउ परलमे कैलारी गाउँपालिका –४ के गाउँ बैठना वर्ष ४७ के रुम नारायण गामुडगौरा रहल बटै । हुकानठेनसे हरडेयार रगके गन्धक जैसिन विल्गैना पदार्थ २३ किलोग्राम, भुवा रंगके सुरा जैसिन पदर्थ –५ किलोग्राम साथे रा २ प ४३८७ करिया रगके हिरोहन्डा कम्पनीके सुपर स्पिलिनडर मोटरसाइकल बरामद करल प्रहरी जनैले बा ।

सामानसहिट पक्राउ परल व्यक्तिहे आवश्यक कार्वाहीके लाग इप्रका हसुलियामे बुझाइल रहे । कलेसे ठप अनुसन्धानके लाग जिल्ला प्रहरी कार्यालय धनगढीमे पठासेकल ईलाका प्रहरी कार्यालय हसुलियाके प्रहरी प्रमुख वरिष्ठ नायव निरीक्षक रामसिहं बोहरा बटैलै ।