भुँइयाँफाटा गाउँके भलमन्सामे फिरु चौधरी निर्वाचित
पहुरा समाचारदाता
धनगढी, २४ माघ । थारू गाउँघरमे धमाधम बरघर, भलमन्सा तथा अघरिया चुने लागल बाटै । माघ पर्वसँगे हुइना गाउँघरके भुरा खेलसे गाउँके नयाँ नेतृत्वकर्ता चुने लागल हुइट ।
इहे बिच कैलालीके कैलारी गाउँपालिका वडा नम्बर ७ भुँइयाँफाँटाके भलमन्सामे फिरु चौधरी निर्वाचित हुइल बाटै । मंगरके उहाँहे चुनावी प्रक्रियासे भलमन्सामे चयन करल हो ।
गाउँमे ५ सयसे ढेर किसान रहल बाटै । भलमन्सा चयनके लाग हुइल चनावमे ३६८ मत गिरल रहे । नव निर्वाचित भलमन्सा फिरु २०३ मत पाइल रहिट । ओहकान प्रतिद्वन्दी महादेव चौधरी १३६ मत ओ दुलारेलाल चौधरी १८ मत पाइल रहिट । बाँकी ११ मत बदर हुइल जनाइल बा ।
गाउँके अन्य प्रदाधिकारीमे भुराखेलसे निर्विरोध चयन भएका छन् । गाउँके अघररियामे जीवनाथ चौधरी, सचिवमे तुलसी चौधरी ओ चौकीदारमे सोमै चौधरी चयन हुइल बाटै ।
नवनिर्वाचित भल्मन्सा चौधरी गाउँघरके विकास निर्माणके लाग अपने कतिवद्ध लग्ना बटैलै । यकर साथे उहाँ युवा क्लब, स्कूल, वन उपभोक्ता समितिहे क्रियाशिल बनैनाके साथे आयव्यय फेन पारदर्शी बनैना ओर लग्ना बटैलै ।
