लागुऔषध सहित ३ जाने पक्राउ

पहुरा समाचारदाता
धनगढी, २६ माघ । लागु औषधसहित प्रहरी ३ जनहनहे पक्राउ करले बा । जिल्ला प्रहरी कार्यालय कैलालीसे खटल प्रहरी टोली धनगढी उप–महानगरपालिका वडा नम्बर ८ बैठुइया २२ वर्षिय सिरु राना, १७ वर्षिय हिमाल रानाहे पक्राउ करल हो । उहाँहुक्रनहे शंका लागके चेक जाँच करेबर ९ ग्राम ४५० मिलिग्राम लागुऔषध ब्राउन सुगर (खैरोहेरोईन) सहित प्रहरी पक्राउ करल हो ।

ओस्टके बुधके साँझ ईलाका प्रहरी कार्यालय टीकापुर कैलालीसे खटल प्रहरी गस्ती टोलीसे फेन १ जनहनहे पक्राउ करले बा । टीकापुर नगरपालिका वडा न १ बजार स्थित १९ वर्षिय प्रमोद बरालहे पक्राउ करल हो । शंका लागके चेक जाँच कैना क्रममे ३४० मिलि ग्राम लागुऔषध ब्राउन सुगर (खैरोहेरोईन) सहित फेला पारके प्रहरी पक्राउ करल हो ।