लागु औषध सहित चार जे पक्राउ

पहुरा समाचारदाता
धनगढी, २८ माघ । कैलालीमे लागु औषसहित चार जाने पक्राउ परल बटै । प्रदेश प्रहरी कार्यालय धनगढीके टोली ओ ईलाका प्रहरी कार्यालयसे सादा पोषाकमे खटल संयुक्त प्रहरी टोली टमान ठाउँसे चार जनहनहे पक्राउ करल हो ।

पक्राउ परलमे स्थाई घर जिल्ला बझाङ बुङल नगरपालिका ०२ घर रहल हाल जिल्ला कैलाली गोदावरी नगरपालिका ०४ गौरीगडा बैठना बर्ष ६२ के गगने धामीहे वडा नम्बर ४ बेल्पानी स्थित शंकास्पद अवस्थामे चेकजाँच करेबेर हुकानठेनसे चरेश ४ किलो बरामद हुइल बा ।

जिल्ला कैलाली गोदावरी नगरपालिका ०१ बाँसबारी स्थित पुष्पराज पुनमगरके घरमा डेरा करके बैठना चुरे गाउँपालिका ०३ बैठना बर्ष २३ के निर्मला कुमारी रावतकेठेनसे ३ ग्राम १६० मिलिग्राम लागु औषध खैरो हेरोईन बरामद कैगिल बा ।

जिल्ला कैलाली गोदावरी नगरपालिका ०१ धनगढी रोड बैठना बर्ष २४ के राजन हमालहे नियन्त्रणमे लेके हुकन घरसे १ ग्राम ३४० मिलिग्राम लागु औषध खैरो हेरोईन बरामद करल प्रहरी जनैले बा ।

ओस्टेक करके जिल्ला कैलाली टिकापुर न.पा.१ ज्योतीनगर स्थित सडकमे नेंग्टी रहल अवस्थामे बर्ष ३९ के खेम बहादुर बुढाहे फेला पारके शंका लागके चेकजाँच कैना क्रममे हुकानथेनसे लागु औषध खैरो हिरोईन १ ग्राम फेला पारके हुकहिनहे पक्राउ करके थप अनुसन्धान हुइटी रहल जिल्ला प्रहरी कार्यालय कैलाली जनैले बा ।