कैलाली जनपुस्तकालयसे पुरस्कारके लाग प्रतिभा छनौट
पहुरा समाचारदाता
धनगढी, ५ फागुन । सुदूरपश्चिमके ऐतिहासिक कैलाली जनपुस्तकालयसे इ बरस प्रदान कैना टमान राष्ट्रिय पुरस्कारके निर्णय करले बा ।
कैलाली जनपुस्तकालय धनगढीके अध्यक्ष तथा सुदूरपश्चिम प्रज्ञा प्रतिष्ठानके उपकुलपति संस्कृतिविद् डा.टीएन जोशीके अध्यक्षतामे बैठल बैठकसे पुरस्कार ओ सम्मानबारे निर्णय करल हो । बैठकसे २०७९ सालके कैलाली जनपुस्तकालय पुरस्कार साहित्यकार रामलाल जोशीके कृति बा–आमाहे प्रदान कैना निर्णय करले बा ।
ओस्टके दीनानाथ राष्ट्रिय साहित्य प्रतिभा पुरस्कार महेश बिक्रम शाह(अछाम), पूर्ण–कृष्ण स्मृति राष्ट्रिय साहित्य प्रतिभा पुरस्कार माया ठकुरी काठमाडौ, साबित्री–कमल राष्ट्रिय लोक संस्कृति पुरस्कार डा. देवेन्द्र प्रसाद भट्ट धनगढी, उदय–दुर्गा साहित्य पुरस्कार हरिश जोशी महेन्द्रनगर ओ हर्ष–पार्वती लोक संस्कृति पुरस्कार गोविन्द प्रसाद पाण्डेय नेपालगञ्जहे प्रदान कैना निर्णय करल हो ।
ओस्टके तिलोत्तमा स्मृति राष्ट्रिय शैक्षिक साधना पुरस्कार प्रा. बुधराम चौधरी कैलाली, शिव–बिमा राष्ट्रिय शिक्षा सेवा पुरस्कार प्रा.सुरेन्द्र चन्द धनगढी, द्वारिकादेवी ठकुरानी स्मृति राष्ट्रिय प्रतिभा पुरस्कार सरस्वती भट्ट काठमाडौ, शिव–बिमा जेहन्दार छात्रबृत्ति धरणीधर भट्ट डोटी, यज्ञराज यात्री राष्ट्रिय साहित्य प्रतिभा पुरस्कार आचार्य घनश्याम लेखक कञ्चनपुरहे प्रदान कैना जनैले बा ।
बैठकसे चित्रबहादुर कार्की राष्ट्रिय समाजसेवा पुरस्कार दीपक प्रसाद उपाध्याय नेपाल धनगढी, सूर्यप्रसाद विष्णुदेवी राष्ट्रिय साहित्य प्रतिभा पुरस्कार जनक रसिक डडेल्धुरा, भोजराज हरिप्रिया राष्ट्रिय समाजसेवा पुरस्कार समाजसेवी सीताराम अवस्थी धनगढीहे प्रदान कैना निर्णय हुइल कैलाली जनपुस्तकालयका अध्यक्ष डा.जोशी जानकारी डेलै ।
ओस्टके बैठकसे जयपृथ्वीबहादुर सिंह स्मृति राष्ट्रिय सम्मान हरिश ओझा, पहलमानसिंह स्वार समृति राष्ट्रिय सम्मान प्रा. जगन्नाथ जोशी, परिमल स्नेही राष्ट्रिय लोक नृत्य सम्मान चिनाराम नेपाली कञ्चनपुर, बद्रीनाथ राष्ट्रिय शिक्षा सेवा सम्मान भूपाल खड्का ओ युवा प्रतिभा राष्ट्रिय सम्मान केपी कलौनी ओ गगन अयडीहे प्रदान कैना निर्णय करल बा ।
इहे फागुन २० गते धनगढीमे हुइना कैलाली जनपुस्तकालयके ६५ औं वार्षिकोत्सवके अवसरमे उक्त पुरस्कारसे स्रष्टाहे सम्मान करजैना पुस्तकालयके सचिब टंक जोशी बटैलै ।
