सांसद अरुण चौधरीके निलम्बन फुकुवा

पहुरा समाचारदाता
धनगढी, १० फागुन । कैलाली–२ मे नागरिक उन्मुक्ति पार्टीके ओरसे निर्वाचित सांसद अरुणकुमार चौधरीके निलम्बन फुकुवा हुइल बा ।

सभामुख देवराज घिमिरे बुधके प्रतिनिधि सभा बैठकमे राष्ट्रपतिसे सजाय माफी हुइल ओ उ सम्बन्धी पत्र गृहमन्त्रालयसे प्राप्त हुइल जानकारी करैले बटै ।

फागुन ७ गते मन्त्रिपरिषद्के सिफारिसअनुसार माफी डेहल पत्र प्रतिनिधिसभामे सुनाइलपाछे आब सांसद चौधरी सक्कु संसदीय गतिविधिमे सामेल हुइना योग्य हुइलक हुइट ।

२०६६ भदौ ३ मा लु २ त २११ नम्बरके ट्क्टर जराइल कहटी कहटी २०६७ भदौ २ गते कैलाली जिल्ला अदालतमे महादेव बजगाईंसे अरुण चौधरीसहित पर्शुराम चौधरी ओ वीरबहादुर चौधरीहे विपक्षी बनाके मुद्दा दायर करल रहिट । उ मुद्दामे कैलाली जिल्ला अदालतसे उहाँहे दोषी ठहर करल रहे ।