यूवाहुकन आत्मनिर्भर बनाइक लाग तालिम संचालन

पहुरा समाचारदाता
हसुलिया, १५ फागुन । यूवाहुकनहे आत्मा निर्भर बनाइक कैलारीमे सोम्मारसे टमान मेरिक तालिम सुरु हुइल बा ।

कैलारी गाउँपालिकाके आयोजनामे गरिवी निवारणका लागि लघु उद्यम विकास कार्यक्रम चार ठो तालिम संग्गे संचालन हुइल बा । वडा नम्बर ५ ओ ७ हे समेटके मोटरपंखा ओ हाउस वारिङ तालिम, मोरसाइकल मर्मत तालिम, हेयर कटिङ तालिम ओ च्याम्फा टेक्टर मर्मत तालिम संचालन हुइल कैलारी गाउँपालिका गरिवी निवारणका लागि लघु उद्यम विकास कार्यक्रमके सहजकर्ता निर्मला चौधरी बटैली ।

तालिम चैत ३० गतेसम संचालन हुइना उहाँ बटैली । हेयर कटिङ तालिम ओ च्याम्फा टेक्टर मर्मत तालिम हसुलियामे हुइटी बा । जेम्ने नौ जाने सहभागी बटै । कलेसे मोटरपंखा ओ हाउस वारिङ तालिम, मोरसाइकल मर्मत तालिम पवेरामे संचालन हुइटी रहल बा । यम्ने १५ जाने सहभागी रहल बटै । वडा नम्बर ५ के वडा अध्यक्ष विष्णु प्रसाद चौधरीके अध्यक्षतामे हुइल तालिम उदघाटन कार्यक्रममे वडा सदस्य अनारकली चौधरी, पावित्रा परियार, मानबहादुर चौधरी, वडा सचिव सोनुराम चौधरी, गरिवी निवारणका लागि लघु उद्यम विकास कार्यक्रमके सहजकर्ता प्रदीप चौधरीलगायतके सहभागिता रहल रहे ।