वार्षिकउत्सवमे चार जाने सम्मानित

पहुरा समाचारदाता
धनगढी, १६ फागुन । धनगढीके हसनपुरस्थित ब्राइट वे पब्लिक स्कुलके वार्षिकोत्सवमे चारजाने सम्मानित हुइल बटैं । मंगरके रोज स्कुलके २२ औं वार्षिकोत्सवमे सम्मान करल हो ।

उ अवसरमे उत्कृष्ट शिक्षकके रूपमे ईन्दिरा बडैला बोगटी, छोट समयमे प्रभावशाली काम करल कमलाकुमारी जोशी, स्कुलके सुरुवातसे कार्यरत ध्वजबहादुर साउँद ओ कार्यालय सहयोगी श्वेटी चौधरीहे सम्मान करल बा ।

उहाँहुकनहे प्रमुख अतिथि डा. प्रेम चन्द, प्रिन्सिपल कुवेर जित साउँदलगायत सम्मान करलैं । वार्षिकोत्सव कार्यक्रममे विद्यार्थीहुक्रे टमान सांस्कृतिक प्रदर्शनी करनाके साथे विज्ञान प्रदर्शनी फेन करले रहैं ।