लालझाडीमे खखडेहरा महोत्सव लगैना

पहुरा समाचारदाता
धनगढी,१७ फागुन । रानाथारु समुदायके विशेष महत्वपूर्ण चाड खखडेहरा पर्वके अवसरमे कञ्चनपुरके लालझाडीमे दुई दिने खखडेहरा महोत्सव लग्ना हुइल बा ।

रानाथारु कला सांस्कृतिक संरक्षण प्रवर्द्धनके लाग महोत्सव लग्ना आयोजकसे पत्रकारके आयोजना करके जानकारी डेले बा । रानाथारू कला संस्कृति संरक्षण तथा विकास मञ्चके आयोजनामे लालझाडी गाउँपालिका–३ नन्द गाउँके खेल मैदानमे फागुन ३० ओ चैत १ गते महोत्सव हुइना मञ्चके अध्यक्ष नारायण राना बटैलै । उहाँक अनुसार होली पर्वके विदाईसंगे राना समुदायसे मनैना खखडेहराहे महोत्सव मार्फत प्रदर्शन कैना उहाँ बटैलै ।

महोत्सवमे रानाथारु कला संस्कृति झल्कना सांस्कृतिक झाँकी प्रदर्शन, स्थानीय कलाकारके नृत्य तथा गायन प्रस्तुती, जनचेतनामूलक नाटक, रानाथारु समुदायके खानाके परिकार आदिके प्रदर्शनी समेत रहना युवा समाजसेवी अम्मर राना जानकारी जानकारी करैलै । यी वर्ष सुदूरपश्चिम प्रदेशके कैलाली कञ्चनपुरके रानाथारु समुदायसे फागुन ३० ओ चैत १ गते खखडेहरा पर्व मनैटी बटै ।