जोशीपुरमे होली मिलन तथा सांस्कृतिक कार्यक्रम हुइना

पहुरा समाचारदाता
जोशीपुर, १८ फागुन । कैलालीके जोशीपुर–१ मे दुई दिने होली मिलन अदानप्रदान तथा वृहत सांस्कृतिक कार्यक्रम २०७९ आयोजना हुइना बा ।

सुदूरपश्चिम अडडा स्पोर्टस एण्ड बारके आयोजना तथा संझेरी नाँच गित संगितके आयोजनामे फागुन २१ ओ २२ गते होली मिलन तथा सांस्कृतिक कार्यक्रम हुइना जनागिल बा । होली पर्वके अवसरमे गायक ओ मोडलहुकनके प्रतिभा प्रस्फुटनके लाग सांस्कृतिक कार्यक्रमके आयोजना करले लागल कार्यक्रम संयोजक राजेश कठरिया बटैलै । कार्यक्रममे गायक÷गायिका खुशी रत्गैया, संगिता चौधरी, चन्द्रभुषण कठरिया, टेकराज चौधरी, मोडेल इन्दु कुश्मी, प्रितु चौधरी, रितु चौधरी, रेमु चौधरी, राजु चौधरी, कमेडी कलाकार सुरदिन अकिलकटला, टिकटक स्टार दिपिका जिएजके सहभागिता रहना आयोजक जनैले बा ।