पाँच ठो विद्येयक पारित करटी कैलारीके हिउँदे अधिवेशन सम्पन्न

पहुरा समाचारदाता
हसुलिया, १८ फागुन । कैलारी गाउँपालिकाके आर्थिक बर्ष २०७९÷०८० के सम्पन्न हिउँदे अधिबेशनसे पाँच ठो विद्येयक पास हुइल बा ।

गाउँपालिका अध्यक्ष राजसमझ चौधरीके अध्यक्षतामे बुधके बैठल हिउँदे अधिबेशनके चौठा सभा बैंठकमे विद्येयक समितिके संयोजक विकास चौधरीसे पेश करल पाँच ठो विद्येयक पास हुइल हो । हिउँदे अधिवेशनसे कैलारी गाउँपालिकाके खानेपानी तथा सरसफाई उपभोक्ता समिति व्यवस्थापन कार्य विधि २०७९, कैलारी गाउँपालिकाके सामाजिक सुरक्षा वितरण कार्यविधि २०७९, कैलारी गाउँपालिकाके फोहोरमैला व्यवस्थापन ऐन २०७९, कैलारी गाउँपालिकाके न्यायिक समिति संचालन कार्यविधि ऐन (पहिल संशोधन) २०७९ ओ कैलारी गाउँपालिकाके स्वास्थ्य नीति २०७९ सर्वसम्मतसे पास हुइल बा ।

अधिबेशनमे सम्बोधन करटी गाउँपालिका अध्यक्षसे सभाके सदस्यसे उत्थान करल बिषय बस्तुके सन्र्दभमे ध्यानाकर्षण हुइल जानकारी करैटी, सभामे सम्बोधन करल सदस्यसे समग्र कैलारी गाउँपालिकाके समग्र विकास, सेवा प्रवाह, सुशासनके प्रतिभूति, सामाजिक न्यायके स्थापना, लक्षित तथा विपन्न समुदायके जिवनस्तरसँग सम्बन्धित सवालके साथे जनगुनासोके सम्बोधन प्रतिवद्ध रहल बटैलै ।

सभाके सदस्यसे गाउँसभाके सदस्यके सेवा सुबिधाके सन्र्दभमे गाउँपालिका तथा नगरपालिकाके पदाधिकारीके सेवा सुविधा निर्धारण कैना जिम्मेवारी प्रदेश सरकारमे रहल जानकारी करैटी, सभाकके सदस्यके मागके सम्बन्धमे नीतिगत निर्णय करके प्रदेश सरकार तथा नेपाल सरकारके सम्बनिधत निकायमे आवश्यक पत्राचार तथा पहल कैना उहाँ बटैलै ।

जनताके माग ओ मुद्धाके सन्र्दभमे तत्काल सम्बोधन कैना सहजता हुइल जानकारी करैटी कैलारीबासीके जनजिवनमे रुपान्तरण तथा मागके सम्बोधनके लाग नेपाल सरकार, प्रदेश सरकार तथा विकास साझेदारसँग समन्वय सहकार्य कैना प्रतिवद्धता व्यक्त करटी कैलारी गाउँपालिकाके समग्र विकासके लाग समन्वय तथा सहकार्यके थालनी करे पर्ना ओकर लाग प्रतिवद्ध रहल गाउँपालिका अध्यक्ष बटैलै ।

प्रदेश सरकारसे कार्यान्वयन कैना योजना तथा कार्यक्रमके सन्र्दभमे कैलारी गाउँपालिकामे प्रदेश सरकार तथा नेपाल सरकारसे गत विगत सम्झौता हुके कार्यान्वयनमे रहल योजना समयमे कार्यान्वयन नइहुके श्रृजना हुइल समस्याहे सामाधान कैना पहल कैना बटैलै ।

सुशासन तथा संस्थागत विकासका सन्र्दभमा कैलारी गाउँपालिकासे संचालित हुइना सक्कु कार्यहे पारदर्शि तथा व्यवस्थित करेक लाग सुशासनके औजार विधि तथा प्रकृयाहे सँस्थागत कैना जनैलै ।

कृषि तथा कृषकके सन्र्दभमे कृषकके जिवन स्तरमे सुधार करे लाग कुछ शुरुवात हुइल ओ चालु आ.व.के कार्यक्रममे कृषिमे विद्युतीकरणके कार्यक्रम लगायतके कृषि पेशाहे व्यवसायिकरण तथा मार्यादित बनैना बटैलै । कृषकके उत्पादकत्व अभिबृद्धिके लाग मलखाद, विउविजन तथा सिचाई सुबिधाके विकास तथा विस्तारके लाग प्रदेश सरकार, नेपाल सरकार तथा विकास साझेदारसँगके समन्वय र सहकार्यमे अभिबृद्धि करटी लैजैना बटैलै ।

पूर्वाधार विकास पुल तथा कल्र्भटके सन्र्दभमे कैलारी गाउँपालिका मोहनापारीके गाउँ हौसलपुर, मोहनपुर, शिवरत्नपुर, ओस्टेक करके कटैनी तथा घुराहा ÷घुरही नदी पारीके नागरिकहुकनहे बर्षायामके साथे अन्य समयमे समेत आवत जावत कैना समस्या हुइल कहटी कैलारी गाउँपालिकाके सक्कु वडा तथा वस्तीमे १२ महिना यातायात सँचालन तथा सुचारु करेक लाग मोहना, कटैनी, घुराहा तथा घुरहीके टमान स्थानमे मोटेरवल पुल निर्माण करे पर्ना आवश्यकता रहल ओरसे ओकर लाग नेपाल सरकार तथा प्रदेश सरकारके सम्बन्धित निकायमे आवश्यक पहल कैना जनैलै । चालु आ.व.मे कैलारी गाउँपालिका वडा नं. ७ कटैनी नदीमे मोटेरवल पुलके निर्माण कैना जानकारी करैलै ।

डुवान, पटान, पानीके निकासमे सम्बन्धमे कैलारी गाउँपालिका रहल कटैनी, मोहना, घुराहा, घुरही नदीसे कैलारी गाउँपालिकामे बर्षेनी डुवान, कटान तथा पटान कैनाके साथे पानीके निकास नइहुके यी पालिका कृषकसे बर्षेनी भारी मात्रामे नोक्सानी ब्यहोरे परल अवगत करैटी ओकर निराकरण तथा रोकथामके लाग समुदाय परिचालन, गाउँपालिकाके कार्यक्रम, विकास साझेदार, प्रदेश सरकार ओ सँघीय सरकारसँग समन्वयात्मक रुपमे कार्यक्रम कार्यान्वयनके लाग समन्वय तथा सहकार्य कैना बटैलै ।

युवा लक्षित कार्यक्रम, गुणस्तरीय शिक्षा तथा बहुमुखी क्याम्पसके पहल कैना बटैलै । सामाजिक सुरक्षा वितरणके सन्र्दभमे कैलारी गाउँपालिकाके वडा न. ६ से वडा स्तरसे सामाजिक सुरक्षा वितरणके शुरुवात हुइल जानकारी करैटी और वडाके सन्बन्धमे समेत बैंक तथा बित्तिय सँस्थासंग समन्वय तथा पहल हुइटी रहल बटैलै ।

खानेपानीके योजना संचालन कैना, पर्यटकीय क्षेत्रके व्यवस्थापन, वनवातावरण तथा विपद व्यवस्थापन कैना बटैलै ।
गाउँसभा बैठकमे गाउँपालिका उपाध्यक्ष भगवती कुमारी चौधरी, प्रमुख प्रशासकीय अधिकृत विरबहादुर ऐर, सक्कु वडाके अध्यक्ष, कार्यपालिका सदस्य, वडा सदस्य, टमान शाखाके प्रमुखहुकनके सहभागिता रहल रहे ।