व्यवसाय ओ मानव अधिकार सम्बन्धी अन्तरक्रिया

धनगढी, ११ कुवाँर । व्यवसाय ओ मानव अधिकार सम्बन्धी राष्ट्रिय कार्ययोजना २०८०–२०८५ कार्यान्वयनके अवस्था विषयक अन्तरक्रिया कार्यक्रम अँटवारके रोज धनगढीमे सम्पन्न हुइल बा  ।

इन्सेक सुदूरपश्चिम प्रदेश कार्यालयके आयोजना ओ डिसिएके सहयोगमे हुइल उ अन्तरक्रिया कार्यक्रम कैलाली उद्योग वाणिज्य संघके अध्यक्ष पुष्करराज ओझाके अध्यक्षतातामे हुइल रहे । कार्यक्रममे सम्बोधन करटी उहाँ उपभोक्ता ओ श्रमिकके अधिकार सुनिश्चितता करेपर्नामे बटैले ।

नेपालमे निजि व्यवसायसे ८० प्रतिशत रोजगारी सृजना करलेसेफे निजि व्यवसायहे गलत ढंगसे हेर्ना प्रवृति रहल बटैलै । छिमेकी मुलुक भारतमे रात्रीकालिन व्यवसाय समेट संचालन करल मने यहाँ भर कौनोफे व्यवसायहुक्रे रात्रीकालिन व्यवसाय संचालन करे चाहलेसेफे उ वातावरण नैरहल बटैलै । धनगढी बजार झिलीमिली हुइल ओ ओजरके सदुपयोग हुई नैसेकल उहाँ बटैलै ।

कार्यक्रममे राष्ट्रिय मानव अधिकार आयोग सुदूरपश्चिम प्रदेश कार्यालयके उपसचिव मानबहादुर कार्की व्यवसाय ओ मानव अधिकार सम्बन्धी कानूनमे रहल ओ बर्तमान परिपेक्षमे हुइल घटल घटना ओ अवस्थाहे समेटके कार्यपत्र प्रस्तुतीकरण करल रहिट । उहाँ कौनौफे व्यक्तिके गोपिनियाहे मध्य नजर कैना जरुरी रहल बटैलै । गोपिनियता समवेदनशिल चिज रहल कहटी उहीहे कोईफे व्यक्ति गलत रुपमे नैफैलैना आग्रह करलै ।

वैदेशिक रोजगारीके क्रममे विदेश गैल नेपालीहुक्रे ज्यान गुमाइल उहाँ बटैलै । संयुक्त राष्ट्र संघीय व्यवसाय ओ मानव अधिकार सम्बन्धी निर्देशिक सिद्धान्तमे विश्व व्यापीकरण, बहुराष्ट्रिय कम्पनीके विस्तार, श्रमिक शोषण, बालश्रम, वातावरणीय प्रदुषण, स्थानीय समुदायके विस्थापन तथा अन्य मानव अधिकार उल्लंघनके घटना बह्रटी गैलपाछे व्यवसायके मानव अधिकार सम्बन्धी जिम्मेवारी स्पष्ट कैन आवश्यक रहल बटैलै ।

संयूक्त राष्ट्र संघीय व्यवसाय ओ मानव अधिकार सम्बन्धी निर्देशक सिद्धान्तमे सन २०११ मे व्यवसाय ओ मानव अधिकार समबन्धी मार्गदर्शक सिद्धान्त जारी करल बा ।

मागदर्शक सिद्धान्तके मुख्य तीन ठो खम्बा रहल बटै । यकर परिपालना सक्कु राष्ट्र तथा व्यावसायिक प्रतिष्ठानसे कैना अपेक्षा करले बा ।

तीन खम्बामे १ नम्बर मानव अधिकारके संरक्षण कैना राज्यके दायित्व रहल कहल बा । उ खम्बाके २ नम्बरमे मानव अधिकारके सम्मान कैना व्यवसायिक उद्यमके जिम्मेवारी ओ ३ नम्बरमे अधिकार उल्लंघन हुइलेसे उपचारके प्रभावकारी व्यवस्था सम्बन्धी राज्य ओ व्यवसायिक संस्थाके दायित्व रहल उहाँ जनैलै ।

राष्ट्रिय कार्य योजनाके अपेक्षित उपलब्धीमे मानव अधिकारके संरक्षण, सम्मान ओ सम्वद्र्धन हुइना कहल बा । मानव अधिकारके उल्लंघन हुइल अवस्थामे न्यायिक ओ न्यायिक बाहेकके अन्य संयन्त्रमार्फत सहजरुपममे उपचार ओ क्षतिपूर्ति प्राप्त हुइना कहल बा ।

व्यवसाय ओ मानव अधिकार सम्बन्धमे सरकार ओ नीजिक्षेत्र विच नीतिगत सामाजस्ता कायम हुइना कहल बा । व्यावसायिक प्रतिस्पर्धा दिगोपना काय हुइना, विकास निर्माणके कार्य मानव अधिकारके संरक्षण ओ सम्मान प्रति जिम्मेवार हुके सञ्चालन हुइना कहल बा ।

दिगो विकास लक्ष्य हासिल कैना सहयोगी हुइना, आर्थिक तथा सामाजिक दृष्टिसे पाछे परल वर्ग ओ समुदायके संरक्षण ओ सशक्तिकरण हुइना कहल बा ।

नेपालसे अन्तराष्ट्रियस्तरमे करल प्रतिबद्धताके कार्यन्वयन हुइना, सार्वजनिक ओ नीजिक्षेत्र एवं समाजके सक्कु क्षेत्रमे मानव अधिकारके सम्मान कैना संस्कृतिके विकास हुइना राष्ट्रिय कार्य योजनाके अपेक्षित उपलब्धीमे उल्लेख हुइल आयोगके उपसचिव कार्की जनैलै ।

कार्यक्रममे जिल्ला समन्वय समिति कैलालीके जिल्ला समव्य अधिकारी जनसिंह उकेडा अब्बे सुदूरपश्चिम प्रदेश भर ३५ सय जाने सामाजिक सुरक्षामे आवद्ध हुइल बटैलै । व्यवसाय करेबेर उपभोक्ताके नजरसेफे हेरेपर्ना उहाँ बटैलै ।

कैलाली उद्योग वाणिज्य संघके सचिव प्रकाश चन्द व्यवसायीहुक्रे टमान निकायमे कर तिरेबेरफे हेर्ना नजर फरक रहल बटैलै ।

ओरेक कैलालीके जिल्ला संयोजक गीता चौधरी श्रमिकसे काम अनुसारके ज्याला नैपाइल, लिङके आधारमे काम कैना दौरानमे विभेद रहल बटैली । महिलाहुकनहे सहजे काम कैना वातावरण नैरहलफे उहाँ बटैली ।

नरदिप धामी श्रमिकहुकनहे श्रमऐन अनुसार ज्याला नैडेहल, अपाङगता रहल व्यक्तिहुकनके लाग अधिकारप्रति गम्भीर नैडेखल बटैलै ।

वार कैलालीके अध्यक्ष नाथुराम महतों यातायातके क्षेत्रमे यात्रुहुक्रे टरटिहुवारके बेला सास्ती भोगे परल बटैलै । धनगढी उपमहानगरपालिकाके नगर भल्मन्सा अध्यक्ष रोहितकुमार चौधरी श्रमिकहुक्रे काम कैना सिलशिलामे ज्यान गुमाईल कलेसे ओइनमे निर्भर रहल परिवारके बारेमे सरकारसे कुछ व्यवस्था करेपर्ना जरुरी रहल बटैलै ।

कार्यक्रममे अधिवक्ता पुष्पविक्रम शाही, कैलाली उद्योग वाणिज्य संघके कार्यालय प्रमुख दिनेशराज ओझा, पत्रकार अर्जुन शाह, जिल्ला प्रहरी कार्यालय कैलालीके डिएसपी योगेन्द्र तिमिल्सेना, सीमा सशस्त्र वलके सुरेन्द्र बहादुर बोहरा, अम्बिका भण्डारीलगायत आपन बाट राखल रहिट । कार्यक्रममे सहजीकरण इन्सेक प्रदेश संयोजक खडकराज जोशी करल रहिट । संचालन इन्सेकके प्रलेख अधिकृत कृष्ण विक करल रहिट ।