अबैध लागुऔषध सहित ४ जाने पक्राउ
पहुरा समाचा।दाता
भनगढी, २० कुवाँर । कैलाली जिल्लाके टमान ठाउँसे अबैध लागुऔषध सहित ४ जाने पक्राउ परल बटै ।
भजनी न.पा.३ कुसुमघाटसे अवैध लागूऔषध ब्राउन सुगर ७८० मिलिग्राम सहित लम्कीचुहा न.पा.१ बैठना वर्ष २६ के बिशाल विष्ट, वडा–२ बैठना वर्ष ३४ के राम बहादुर शाही ओ वडा–५ बैठना वर्ष २१ के बिज्ञान भण्डारीहे पक्राउ परल बटै ।
सोम्मारके रोज साँझ इलाका प्रहरी कार्यालय भजनी, कैलालीसे खटल प्रहरी टोलीसे सु.प.प्र.०१–०११ प ६७१४ नम्बरके मोटरसाइकलमे भारतसे नेपालओर आइटी करल अवस्थामे शंका लाग चेकजाँच करके उ पदार्थ फेला पारके उहाँ तिन जानेहे पक्राउ करल बा ।
ओस्टेक करके, कैलाली जिल्लाके धनगढी उ.म.न.पा.७ मनेहरा रानागाउँसे अवैध लागूऔषध ब्राउन सुगर १ ग्राम ४५ मिलिग्राम सहित उहे ठाउँ बैठना वर्ष २२ के सुरेश रानाहे पक्राउ परले बटै ।
सोम्मार साँझ जिल्ला प्रहरी कार्यालय कैलालीसे खटलके प्रहरी टोलीसे शंका लाग चेकजाँच करके उ पदार्थ फेला पारके पक्राउ करल बा । इ सम्बन्धमे प्रहरी आवश्यक अनुसन्धान करटी रहल जनैले बा ।
