थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

तोरीबाली व्यवस्थापन सम्बन्धी तालिम

पहुरा समाचारदाता | २५ फाल्गुन २०७६, आईतवार
तोरीबाली व्यवस्थापन सम्बन्धी तालिम

पहुरा समाचारदाता
हसुलिया, २५ फागुन । कैलारी गाउँपालिका वडा नम्बर ५ छुट्की पलियास्थित शनिच्चरके रोज तोरीबाली व्यवस्थापन एवं आधुनिकीकरण सम्बन्धी एक दिने तालिम उस्रल बा ।
सिर्जना तोरी ब्लक संचालक समितिके आयोजना ओ कृषि ज्ञान केन्द्र कञ्चनपुरके सहयोगमे हुइल तालिममे कृषकहुकन लाहीक् व्यवस्थापन ओ आधुनिकीकरण सम्बन्धमे जानकारी कैगिल रहे ।
कैलारी गाउँपालिका वडा नम्बर ५ के वडाध्यक्ष विष्णु चौधरी बर्का पहुना रहल कार्यक्रम सिर्जना तोरी ब्लक संचालक समितिके अध्यक्ष रामचन्द्र चौधरीके घरगोसियामे हुइल रहे ।
कार्यक्रममे गाउँ भल्मन्सा, स्थानीय बुद्धिजीवी, राजनीतिक दलके प्रतिनिधिके सहभागिता रहल कार्यक्रममे सहजीकरण कृषि ज्ञान केन्द्रके भूमिराज उपाध्याय कैले रहिट ।
समितिके सदस्य होरीलाल चौधरी स्वागत करल कार्यक्रमके सञ्चालन सचिव रामकुमार चौधरी कैले रहिट ।

जनाअवजको टिप्पणीहरू