थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

सेती प्रादेशिक अस्पतालके आइसोलेसन ओ क्वारेन्टाइनमे रहल १/१ जहनके मौत

पहुरा | १४ जेष्ठ २०७७, बुधबार
सेती प्रादेशिक अस्पतालके आइसोलेसन ओ क्वारेन्टाइनमे रहल १/१ जहनके मौत

नगढी, १४ जेठ । सेती प्रादेशिक अस्पतालके आइसोलेसनमे रहल १ कोरोना शंकास्पद आ १ जहनके कञ्चनपुरस्थित १ क्वारेन्टाइनमे मौत हुइल बा ।

कैलालीके गौरीगंगा नगरपालिकाके ५० वर्षीय बुह्राइल मनैयाक् बुधके रोज विहन्नी ज्यान गैल हो । उहाँ मंगरके रोज साँझ्या सेती पा्रदेशिक अस्पतालमे भर्ना हुइल अस्पतालके सूचना अधिकारी दिलिप श्रेष्ठ बटैलै । उहाँ मंगरके रोज भारतके महाराष्ट्रसे आइल जनागिल बा ।

मृतकके आरडिटी रिपोर्ट भर नेगेटिभ आइल श्रेष्ठ बटैलै । पिसिआरके लाग स्वाब संकलन करसेकल उहाँ जानकारी डेलै । भारतसे आइल ओ ओहे उप्पर स्वास्थमे समस्या बिल्गाइलपाछे उहाँहे अस्पताल भर्ना करगिल रहे ।

ओस्टके, कञ्चनपुर जिल्लामे क्वारेन्टाइन व्यवस्थापनमे जुटल १ जाने वडा अध्यक्षके फेन मौत हुइल बा । जिल्लाके कृष्णपुर नगरपालिका ७ के वडा अध्यक्ष कल्लु रानाके मंगरके रात मौत हुइल हो ।
ओहे वडाके राष्ट्रिय माविमे रहल क्वारेन्टाइन व्यवस्थापनमे जुटल ५८ बर्षीय वडा अध्यक्ष राना एक्कासी बेहोस हुइल रहिट । उहाँके घटनास्थलमे ज्यान गैल ईलाका प्रहरी कार्यालय रैकवारविचवाके प्रहरी सहायक निरीक्षक भीम सिंह बटैलै ।

रानाके मृत्युके कारण खुलल नैहो । उहाँके शव सेती प्रादेशिक अस्पतालमे नानगिल बा । उहाँके फेन कोरोना परीक्षण हुइना अस्पतालके सूचना अधिकारी श्रेष्ठ बटैलै ।

जनाअवजको टिप्पणीहरू