थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २३ अगहन २६४६, शुक्कर ]
[ वि.सं २३ मंसिर २०७९, शुक्रबार ]
[ 09 Dec 2022, Friday ]

बालुवाटार प्रदर्शनमे पानीके फोहोरा

पहुरा | २७ जेष्ठ २०७७, मंगलवार
बालुवाटार प्रदर्शनमे पानीके फोहोरा

काठमाडौँ — मंगरके रोज बालुवाटार क्षेत्रमे लकडाउनहे व्यवस्थित ओ खुकुलो बनाके कोरोना भाइरसे परीक्षण दायरा बह्राइ परना माग करटी प्रदर्शनमे उत्रल प्रदर्शनकारीउप्पर प्रहरी पानीके फोहोरा मरले बा ।
लकडाउनके बेला कर असुलेके, पीसीआर परीक्षणके दायरा नैबह्राइल ओ महामारीके बेला राष्ट्रपति कार्यालयके कार्पेट फेर्नेलगायतके काममे सरकार व्यस्त रहल कटी सामाजिक अभियन्ता ओ सर्वसाधारणहुक्रे विरोध प्रदर्शम उत्रल रहिट । कुछ प्रदर्शनकारीहे प्रहरी लकडाउन उल्लंघन करल बटी नियन्त्रणम लेले बा ।
काठमाडौं प्रहरी प्रवक्ता डीएसपी राजकुमार केसी प्रधानमन्त्री निवास बालुवाटार वरपरके निषेधित क्षेत्र प्रवेश करना, लकडाउन उल्लंघन करना ओ उच्छृङ्खल गतिविधि देखाइल ओरसे उहाँहुकन नियन्त्रणमे लेहेक लाग पानीक् फोहोरा ओ लाठीचार्ज करल बटैलै ।
सरकारसे कोरोना भाइरस नियन्त्रणके लाग प्रभावकारी कदम नैचालल कटी स्वतःस्फुर्त रुपमे संगठित हुके युवाहुक्रे प्रदर्शनमे उत्रल रहिट । डीएसपी केसी लकडाउन उल्लंघन करुइयानहे कानुनअनुसार नियन्त्रणमे लेशल बटैलै । -ईकान्तिपुर

जनाअवजको टिप्पणीहरू