सैपाल ग्यास उद्योगके उत्पादन सुरु

पहुरा समाचारदाता
धनगढी, १८ असार । कैलालीके गोदावरी १ मे स्थापना करल सैपाल ग्या“स उद्योगके उत्पादन बिफेसे बजारमे गैल बा ।
एभरेस्ट ग्रुपसे सैपाल ग्यास उद्योग मार्फत उत्पादित ग्या“स बजारमे पठाइल हो । कैलाली ओ कञ्चनपुरके ४० ठो डिलर मार्फत ग्याँस बजारमे पठाइल सैपाल ग्या“स प्रालिके प्रस्तावित अध्यक्ष शिवप्रसाद घिमिरे जानकारी डेलै । काठमाडौं उपत्यकामे समेत करके ६ ठो ग्याँस उद्योग रहल एभरेष्ट ग्रुपसे सैपाल ग्या“सके लाग आयल निगमसे करिब तीन महिनाआघे केल सञ्चालन स्वीकृति पाइल अध्यक्ष घिमिरे जानकारी डेलै । यी संगे एभरेष्ट गु्रपसंग ग्याँस उद्योगके संख्या ७ पुगल बा ।
करिव ३० करोड लगानीमे ४३ कट्टा जग्गामे कैलालीके गोदावरी नगरपालिका–१ मे उद्योग संचालन करल सैपाल ग्या“ससे प्रत्येक दिन १० हजार सिलिण्डर उत्पादन करे सेक्ना संचालक घिमिरे जानकारी डेलै ।
नेपाल एलपी ग्यास उद्योग संघके पूर्व अध्यक्ष समेत रहल सैपाल ग्याँसके सञ्चालक घिमिरे सैपाल ग्याँसके उत्पादन सुदूरपश्चिमसंगे कर्णाली ओ प्रदेश नम्वर ५ के बजारमेफे पठैना बटैलै । उहाँ कहलै– ‘न्युन मात्रामे उद्योग रहल सुदूरपश्चिममे सेवामुखि भावनासे हम्रे उद्योग संचालन करले बाटी, सक्कुहुनके सहयोगसे यिहीहे थप बिस्तार करटी जैबी ।’ उहाँ यी बार पहिल बर्ष हुइल ओरसे बार्षिक ५६ करोडके कारोबार हुइना अनुमान रहल बटैटी अइना बर्षसे थप बृद्धि हुइटी जैना उल्लेख करलै ।
करिब ३१ बर्षसे पेट्रोलियम कारोबार करटी आइल एभरेष्ट गु्रपसे कुछदिन आघे केल उद्योग वाणिज्य तथा आपूर्तिमन्त्री लेखराज भट्टके गोसिनीय निर्मलादेबी भट्ट लगायत ५ जानेक स्वामित्वमे रहल उ ग्यास उद्योग १८ करोडमे किनल रहे । सुदूरपश्चिममे यी संगे ग्या“स उद्योग दुई ठो हुइल बा । कुछ बर्ष आघसे रेडियन्ट ग्या“स उद्योग फे कैलालीके गोदावरी नगरपालिकाके मालाखेतीमे संचालनमे रहल बा ।