थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

पहलमानपुर–लालबोझी सडक खण्ड मर्मतसहित चार बुदेँ ज्ञापनपत्र

पहुरा | २८ असार २०७७, आईतवार
पहलमानपुर–लालबोझी सडक खण्ड मर्मतसहित चार बुदेँ ज्ञापनपत्र

पहुरा समाचारदाता
सुखड, २८ असार ।
कैलालीके पहलमानपुर–लालबोझी सडक खण्ड मर्मतके माग करटी संघर्ष समितिसे घोडाघोडी नगरपालिकाहे चार बुदेँ ज्ञापनपत्र बुझाइल बा ।
अँट्वारके संघर्ष समितिके संयोजक विजयराज स्वाँरके नेतृत्वमे गैल टोलीसे उपप्रमुख प्रेमकुमारी थापाहे ज्ञापनपत्र बुझाइल हो । पहलमानपुर–लालबोझी सडक खण्ड संघर्ष समितिसे सडक खण्डके तत्काल मर्मत करे पर्ना ओ ओकर जिम्मेवारी आवश्यक बजेट सहित सम्बन्धित वडाहे डेहे पर्ना, आर्थिक बरस २०७७/२०७८ के लाग छुट्याइल विकास बजेट मध्ये आवश्यक पहलमानपुर लालबोझी सडकखण्डके कालोपत्रेके लाग छुट्याइ पर्ना रहल बा ।
ओस्टके पहलमानपुर राष्ट्रिय वाणिज्य बैंक वा कृषि विकास बैंक स्थापनाके लाग पहल करे पर्ना ओ पहलमानपुर स्वास्थ्य चौकीके स्तरोन्नती तथा नियमित एम्बुलेन्स राखे पर्ना लगायतके माग ज्ञापन पत्रमे उल्लेख करल बा ।
साथे ज्ञापन पत्रमे डगरा बिगरके मनैनहे आवतजावत कैना समेत कठिन हुइल ओ उ डगरामे यातायातके साधन नाइ चलके बिरामी, गर्भवती, सुत्केरी, जेष्ठ नागरिक, अशक्त हुक्रनहे ढिउर कठिनाई सृजना हुइल बा ।
मानवीय संकटके यी अवस्थामे नगरपालिकासे तत्काल समस्याके समाधान कैना माग करल बा कलेसे उ माग पुरा नाइ हुइलसे आन्दोलनमे उत्रना समेत ज्ञापन पत्रमे उल्लेख करल बा ।
संघर्ष समितिके ज्ञापन पत्र बुझ्टी उपप्रमुख थापा तत्काल आवत जावत करे सेक्ना मेरके सडक मर्मत हुइना बटैले बाटी ।

सम्बन्धित समाचार

पहलमानपुर–लालबोझी सडक खण्ड निर्माणके लाग आन्दोलन
सडक मर्मतके माग करटी प्रदर्शन

जनाअवजको टिप्पणीहरू