आँखी उपचार केन्द्रके उद्घाटन

पहुरा समाचारदाता
जोशीपुर, ७ सावन । जोशीपुर गाउँपालिकामे आँखी उपचार केन्द्रके उद्घाटन करल बा ।

जोशीपुर गाउँपालिका ओ च्यारिटी हेल्थ फाउण्डेसन नेपालसे संचालित आँखी उपचार केन्द्रके गाउँपालिका अध्यक्ष राकृष्ण चौधरी, उपाध्यक्ष गिता कठरिया संयुक्त रुपमे उद्घाटन करल रहिट । कार्यक्रममे वडा नंम्बर १ के अध्यक्ष बिधिराम चौधरी, ३ के किशोर कठरिया, ५ के देशराज चौधरी, ६ के नत्थुप्रसाद डगौरा ओ ७ के जंगबहादुर डगौराके सहभागिता रहल रहे । उक्त कार्यक्रममे समाजसेवी विरबहादुर हमालके फेन सहभागिता रहल रहे । आँखा उपचार केन्द्र उद्घाटन कार्यक्रमके संचालन धर्मराज जोशी करल रहिट ।

उपचार केन्द्र सकारे ९ बजेसे साँझ ५ बजे सम संचालन हुइना जनाइल बा । केन्द्रसे साधारण आँखा जाँच, चश्मा जाँच, आँखामे सामान्य औषधि डर्ना, आँखीक सामान्य चोटपटक लगायतके सेवा डेना जनाइल बा ।