उपमहानगरपालिकासे गुरही ओ नागपञ्चमीके शुभकामना

पहुरा समाचारदाता
धनगढी, १० सावन । थारु समुदायके गुरही ओ नागपञ्चमी २०७७ के अवसरमे धनगढी उपमहानगरपालिका आज शुभकामना व्यक्त करले बा ।

उपमहानगरपालिकासे आज स्वदेश तथा विदेशमे रहल सक्कु नेपाली दिदीबहिनिया तथा दादुभैयाहुकनहे शुभकामना सन्देश व्यक्त करले ।

सन्देशमे गुरही थारु समुदायके विशेष पर्व हो । गुरही पर्व मनैलेसे घरेम बाज नैमरना, आगलागी नैहुइना, रोगव्याधी ओ महामारी घरेम प्रवेश नैकरना विश्वास करजैना जनागिल बा । धनगढी उपमहानगरपालिकासे हरेक जाति, वर्ग, क्षेत्र, धर्म ओ समुदायके चाडपर्वहे समान प्राथमिकता डेहल फेन सन्देशमे उल्लेख बा ।

अस्टेक अन्तमे भिडभाड तथा तडकभडक जैसिन कार्य नैकरना ओ गुरही पर्वहे सभ्य, भव्य, मर्यादित तथा आर्थिक रुपमे मितव्यी बनैनासमेत आग्रह करल बा ।