सुदूरपश्चिम प्रदेशमे आज एक जनहनमे केल संक्रमण

पहुरा समाचारदाता
धनगढी,१० सावन । सुदूरपश्चिम प्रदेशमे कोरोना भाइरस संक्रमण दर एकफाले घटल बा ।
सेती प्रादेशिक अस्पतालके प्रयोगशालामे शनिच्चरके रोज कैगिल परिक्षणमे एक जाने केल संक्रमिट ठपल बाटै ।

३ सय ६० जनहनमे करल परिक्षणमे एक जनहनमे कोरोना संक्रमण भेटल सेती प्रादेशिक अस्पतालके सूचना अधिकारी दिलिप श्रेष्ठ जनैलै । ठपल संक्रमिट कञ्चनपुरके भिमदत्त नगरपालिका वडा नम्बर १३ के १७ बरसके एक जाने पुरुष रहल उहाँ जनैलै ।

सेती प्रादेशिक अस्पतालमे हालसम १५ हजार पाँच सय २० जानेक पिसिआर विधिसे परिक्षण करलमे १४ हजार ३ सय २१ जानेक रिपोर्ट निगेटिभ ओ ११ सय ९९ जानेक पोजेटिभ आइल सूचना अधिकारी श्रेष्ठ बटैलै ।