थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ अगहन २६४६, सोम्मार ]
[ वि.सं १९ मंसिर २०७९, सोमबार ]
[ 05 Dec 2022, Monday ]

मानव बेचबिखन तथा ओसारपसारमे संलग्न पक्राउ

पहुरा | २३ श्रावण २०७७, शुक्रबार
मानव बेचबिखन तथा ओसारपसारमे संलग्न पक्राउ

पहुरा समाचारदाता
धनगढी,२३ सावन ।
मानव बेचबिखन तथा ओसार पसारमे संलग्न अत्तरियास्थित बोहरा होटलके संचालक हर्क बोहरा पक्राउ परल बाटै ।

काठमाण्डौके एक होटलमे वईटरके काम लगाडेना कहटी कञ्चनपुर कृष्णपुर नगरपालिका वडा नम्बर १ घर रहल कैलालीके गोदावरी नगरपालिका वडा नम्बर २ बैठना बर्ष २८ हर्क बहादुर दुई जाने महिलाहे होटलमे धारके शारिरिक सम्पर्क करे लगाइल जिल्ला प्रहरी कार्यालय कैलालीके सह प्रवक्ता प्रहरी निरीक्षक हिक्मत बहादुर थापा बटैलै ।

होटल संचालक बोहरा होटलमे धारके ओइनहे डुरुवा धम्काके और ठाउँमेफे शारिरिक सम्पर्कके लाग पठैना करल सुनलपाछे ईलाका प्रहरी कार्यालय मालाखेतीसे खटल प्रहरी टोली उहाँहे पक्राउ करल सह–प्रवक्ता प्रहरी निरीक्षक थापा बटैलै ।

यिहे सावन २१ गते पक्राउ परल होटल संचालक बोहरा उप्पर मानव बेचबिखन तथा ओसारपसार शिर्षकमे मुद्दा दर्ता करके कैलाली जिल्ला अदालतसे ५ दिनके म्यादथप करके थप अनुसन्धान हुइटी रहल जिल्ला प्रहरी कार्यालय कैलाली जनैले बा ।

जनाअवजको टिप्पणीहरू