किराना पसलहे १५ हजार जरिवाना

पहुरा समाचारदाता
धनगढी, २५ सावन । इजाजत पत्र विना खाना पकैना एलपी ग्यास बिक्री वितरण करलपाछे धनगढीके एक किराना पसलहे १५ हजार जरिवाना टिरागिल बा ।

धनगढी उपमहानगरपालिका ३ मे रहल सिगास किराना पसलहे इजाजत बिना एलपी ग्यास बिक्रि वितरण करल ओरसे १५ हजार रुप्या जरिवाना करल वाणिज्य आपूर्ति तथा उपभोक्ता संरक्षण कार्यालय धनगढीके प्रमुख कमल पुन बटैलै ।

वाणिज्य आपूर्ति तथा उपभोक्ता संरक्षण कार्यालय अट्वारके रोज धनगढी उपमहानगरपालिकाके वडा नं. १ ओ ३ के ६ ठो किनारा पसलमे अनुगमन करल रहे ।

लकडाउन अवधीसे हालसम कैलालीके टमान क्षेत्रमे इजाजत विना टमान मेरक सामान बिक्रि वितरण हुइटी आइल बा । मने बजार अनुगमन भर बहुट कम हुइल आमउपभोक्ताहुक्रे गुनासो करटी आइल हुइट ।