थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

सुपारी डेके दुईजनहनके हत्या

पहुरा | २६ श्रावण २०७७, सोमबार
सुपारी डेके दुईजनहनके हत्या

धनगढी, २६ सावन । कञ्चनपुरमे चार लाखके सुपारी लेके दम्पत्तीके हत्या करल आरोपमे पक्राउ परल चार जनहनहे सार्वजनिक करल बा ।

जिल्लाके बेलौरी नगरपालिकाके ६२ वर्षीय घनश्याम खाती ओ ओहकान ५५ वर्षीया गोसिनीया वालादेवीके हत्या करल आरोपमे पक्राउ परल चारजनहनहे प्रहरी सार्वजनिक करल हो ।

हत्या आरोपमे पक्राउ परुइयामे बेलौरी ७ के ५३ वर्षीय प्रकाश ऐर, ३५ वर्षीय दिनेश राना, हात्तीबोझाके ३६ वर्षीय होरी राना ओ कृष्णपुर नगरपालिका वडा नम्बर २ के ४५ वर्षीय रबि राना रहल बाटै ।

चारु जाने खाती दम्पत्तीके योजनाबद्ध रुपमे हत्या करल खुलल् जिल्ला प्रहरी कार्यालयके प्रवक्ता प्रहरी नायब उपरिक्षक अमरबहादुर थापाक्षेत्री बटैलै । गत शुकके रात ढर्यार हतियार प्रहारसे वालादेवीके उहे रात ज्यान गैल रहे कलेसे घाहिल ओहकान गोसियाके उपचारके क्रममे अँट्वारके मृत्यु हुइल प्रहरी जनैले बा ।

अनुसन्धानके क्रममे प्रहरी सुरुमे ओहकान छावाहे नियन्त्रणमे लेहल रहे । मने अनुसन्धान करटी गैलमे छावाके संग्लनता नाइ डेखल रहे ।

अनुसन्धानके क्रममे मृतकके छिमेकी प्रकाश ऐर चार लाख रुपैयाँ डेके हत्या करे लगाइल खुलल् प्रहरी नायब उपरिक्षक थापाक्षेत्री बटैलै ।

छिमेकी प्रकाश ओ मृतकके परिवारबीच लम्मा समयसे विवाद हुइल ओरसे प्रकाश उहाँहुक्रे बोक्सिन बाटै कहटी एक तन्त्रमन्त्र करुइया व्यक्तिहे चारलाख रुपैयाँ डेके हत्या करे लगाइल अनुसन्धानसे खुलल् बा ।

जनाअवजको टिप्पणीहरू