बाढ प्रभावित क्षेत्रके दीर्घकालिन योजना बनाके समस्या समाधान कैना: मुख्यमन्त्री भट्ट
पहुरा समाचारदाता
धनगढी, ३० सावन । सुदूरपश्चिम प्रदेशके मुख्यमन्त्री त्रिलोचन भट्ट सहितके टोली कैलालीके दक्षिणपूर्वी बाढ प्रभावित क्षेत्र भजनी, जोशीपुर लगायत ठाउँके स्थलगत निरीक्षण तथा अनुगमन करले बाटै ।
यिहे साउन १४ गते आइल बाढसे क्षति पुगाइल भजनी नगरपालिका, जोशीपुर गाउँपालिका लगायत बाढ प्रभावित क्षेत्रके मुख्यमन्त्री भट्ट सहितके टोलीसे अनुगमन करल हो ।
मुख्यमन्त्री भट्ट डुबान क्षेत्रके अनुगमन करटी दीर्घकालीन योजना बनाके समस्या समाधान करजैना बटैले बाटै । उहाँ बाढ प्रभावित क्षेत्रके बासिन्दाके लाग प्रदेश सरकारसे सेक्ना सहयोग कैना बटैलै । ओस्टके संघीय सरकारहे समेत सहयोग कैना अपने पहल कैना जानकारी डेलै ।
बाढ प्रभावित क्षेत्रके लगत संकलन प्रदेश सरकारसे कैना बटाइल बा । हुलाकी सडकके डिजाईन ओ रानीजमरा कुलरिया सिचाई आयोजनाके कारण समेत डुवान हुइटी रहल मुख्यमन्त्री भट्ट बटैलै । यी समस्या समाधानके लाग रानीजमरा कुलरिया सिचाई आयोजनासे फेन सहयोग करे पर्ना उहाँके कहाइ बा ।
साथे कृषकहुक्रनके लाग समेत एकिकृत कृर्षि कार्यक्रम लागु कैना जानकारी डेलै । बाढके कारण भजनी नगरपालिका, जोशीपुर ओ जानकी गाउँपालिका ढिउर धनजनके क्षति पुगैले बा । बाढके कारण ३ जाने ज्यान गुमैले बाटै कलेसे हजारौं घरपरिवार विस्थापित हुइल रहिट ।
