नेपाली सेना डेखैलै शव व्यवस्थापनके डेमो

कञ्चनपुर, ३२ सावन । शनिच्चर सकारे कञ्चनपुरके महाकाली अस्पतालमे नेपाली सेना कोरोना भाइरस संक्रमणसे बिरामीके मृत्यु हुइलमे बिरामीके शव व्यवस्थापन कैसिक कैना विषयमे शव डेमो प्रदर्शन करले बा ।

श्री नम्बर २५ बाहिनी अया भगतपुर ब्यारेकके टिमसे शव वयवस्थापन कैना डेमो डेखाइल हो । उ टिमसे शव व्यवस्थापनके नाट्य शैली प्रस्तुत करल रहे । शव व्यवस्थापन करेबर अपनाइ पर्र्ना सुरक्षा लगायत शवके योजनावद्ध व्यवस्थापन कैसिक कैना बारे प्रर्दशन करल सेना जनैले बा ।

ओस्टके कोरोनासेट मृत्यु हुइल विरामीके शव व्यवस्थापन कैसिक कैना अन्तर्राष्ट्रिय मापदण्ड अनुसार अस्पतालमे अभ्यास तथा प्रदर्शन करल महाकाली अस्पतालके अध्यक्ष कृष्णदत्त जोशी बटैलै ।

ओस्टके कोरोना भाइरसके जोखिम कायमे रहल ओरसे कोरोनासे विरामीके मृत्यु हुइलेसे उ शव व्यवस्थापन करे पर्ना हुइल ओरसे सेना संगके साझेदारीमे अभ्यास कराइल भीमदत्त नगरपालिकाके नगर प्रमुख सुरेन्द्र बिष्ट बटैलै ।

उ डेमो प्रदर्शनमे अस्पतालके आइसोलेशन वार्डमे कोरोना लागल व्यक्तिके मृत्यु हुइलपाछे स्वास्थ्य ओ सुरक्षामे खटल दुुनुु पक्षसे व्यक्तिगत सुरक्षाहे उच्च सतकर्ता अपनाके मृत शरीरके व्यवस्थापन करल डेखाइल रहे ।