सुदूरपश्चिममे २७ जाने संक्रमित ठप्लै
पहुरा समाचारदाता
धनगढी, ३२ सावन । सुदूरपश्चिम प्रदेशमे शनिच्चरके रोज २७ जाने कोरोना संक्रमित ठपल बाटै ।
सेती प्रादेशिक अस्पतालमे २४ जाने, हयाम्पस अस्पतालमे एक जाने ओ त्रिवि शिक्षण अस्पतालमे २ जनहनमे संक्रमण फैलल बा । सेती प्रादेशिक अस्पतालके प्रयोगशालामे कैगिल परिक्षणमे बेदकोट कञ्चनपुरके ६ महिला ३ पुरुष, पुनर्वास–१ कञ्चनपुरके एक महिला एक पुरुष, टीकापुर कैलालीके दुई महिला चार पुरुष, धनगढीके एक महिला दुई पुरुष, गोदावरी–११ कैलालीके एक महिला एक पुरुष, भजनी–२ कैलालीके दुई पुरुष करके २४ जनहनमे संक्रमण हुइल बा ।
ओस्टेक करके पछिल्का २४ घण्टामे देशभर ६४१ जानेमे कोरोनाभाइरस संक्रमण पुष्टि हुइल बा । स्वास्थ्य मन्त्रालयके प्रवक्ता डा जागेश्वर गौतम अँटवारके नियमित प्रेस ब्रिफिङमे संक्रमितके कुल संख्या २६ हजार ६६० पुगल जानकारी डेलै ।
ओस्टेक हालसम ठिक हुइलके संख्या १७ हजार ३३५ पुगल बा कलेसे मृतकके संख्या १०४ पुगल बा ।
थप १२ हजार २ सय ४७ पीसीआर परीक्षण
पछिल्का २४ घण्टामे थप १२ हजार २ सय ४७ पीसीआर परीक्षण हुके २ सय १८ महिला ओ ४ सय २३ पुरुष करके ६ सय ४१ जना संक्रमित ठपल हुइट । ओस्टेक करके हालसमके जम्मा परीक्षण ५ लाख १७ हजार ९०७ रहल बा ।
अब्बे आइसियुमे १ सय जाने उपचाररत रहल बाटै । प्रदेश नम्बर २ मे ४१ जाने, बागमती प्रदेशमे ४७ जाने, गण्डकी प्रदेशमे १ जाने, प्रदेश नम्बर ५ मे ११ जाने आइसियुमे उपचाररत रहल मन्त्रालय जनैले बा । ओस्टेक बागमती प्रदेशमे ६ जाने संक्रमित भेन्टिलेटरमे उपचाररत रहल बाटै ।
सक्रिय संक्रमित ९ हजार ढेर
देशभर सक्रिय संक्रमितके संख्या ९ हजार २ सय २१ रहल बा । प्रदेश नम्बर १ मे ८३ हजार ८ सय ६९, बागमती प्रदेशमे २ हजार ८६ ओ गण्डकी प्रदेशमे २ सय ८० जाने रहल बाटै । ओस्टेक प्रदेश नम्बर ५ मे ६ सय ४० कर्णाली प्रदेशमे २ सय १३ ओ सुदूरपश्चिम प्रदेशमे ७ सय ७० करके ८ हजार ७ सय २४ जाने टमान अस्पतालके आइलोसेलनमे उपचाररत रहल बाटै ।
ओस्टेक प्रदेश नम्बर १ मे ९३ जाने, प्रदेश नम्बर २ मे ९८ जाने, बागमती प्रदेशमे १ सय ५ ओ प्रदेश नम्बर ५ मे १ सय ८१ जाने होम आइलोसेलनमे रहल बाटै । ओस्टेक कर्णाली प्रदेशमे ८ ओ सुदूरपश्चिममे १२ जाने संक्रमित करके ४ सय ९७ जाने होम आइलोसेनमे रहल बाटै ।
