बैतडीमे भदौ ४ गतेसे लकडाउन कैना
बैतडी, १ भदौ । कोरोनाके संक्रमण बह्रटी गैलपाछे बैतडीमे भादौं ४ गतेसे लकडाउन करजैना हुइल बा । सदरमुकामस्थित दशरथचन्द नगरपालिकासे संक्रमण बह्रटी गैल कहटी भादौं ४ गतेसे भादौं १५ गते लकडाउन कैना निर्णय करल हो ।
लकडाउन अवधिके अत्यावश्यक बाहेकके सक्कु सेवा बन्द कैना निर्णय हुइल नगरप्रमुख नरेन्द्रसिंह थापा जानकारी डेलै । लकडाउनमे नगर क्षेत्रभिट्टर औषधि पसल, एम्बुलेन्स ओ अत्यावश्यक सवारी साध किल सञ्चालन करे डेना निर्णय हुइल बा ।
नगर क्षेत्रभिट्टरके बैंकहे अँट्वार, मंगर ओ बिफेक तीन दिन किल खुला राख्न निर्णय हुइल बा । गौरापर्वहे मध्यनजर कैके दैनिक उपभोग्य सामग्रीके पसल, सिलाई पसल ओ कपडा पसल सकारे ७ से १० बजेसम ओ साँझ ४ बजेसे ६ बजेसम किल खुला राख्न निर्णय करल बा ।
ओस्टके, धार्मिक स्थलमे नित्य पूजाबाहेक भीडभाड हुइना खालके सक्कु जात्रा, मेला स्थगित करल बावै । टरटिहार आपन घरभित्रे मनैना आग्रह करल बा ।
नगर क्षेत्रभिट्र सक्कु मेरके भेला, गोष्ठी, तालिम, बैठक ओ सेमिनारमे रोक लगाइल नगरपालिकासे प्रकाशित करल सूचनामे उल्लेख करल बा । नगरपालिका ओ ११ वडा कार्यालय अत्यावश्यक सेवा बाहेकके सक्क सेवा बन्द कैना सूचनामे उल्लेख बा । गौरा, तीज लगायतके टरटिहारके बेला सदरमुकाम क्षेत्रमे आउर पालिकासे ढिउर भीडभाड हुइना हुइल ओरसे लकडाउन कैना निर्णय करल दशरथचन्द नगरपालिकाके उपप्रमुख मीना चन्द बटैली ।
ओस्टके, डिलाशैनी गाउँपालिकासे अँट्वारके एक सूचना जारी करटी कोभिड १९ संक्रमण बह्रटी रहल ओरसे भीडभाड हुयना खालके कार्यक्रम नाइ कैना आग्रह करल बा । गौरा लच्क्याइल ओरसे दैनिक नित्य पूजाआजा बाहेक भीडभाड हुइना खालके धार्मिक कार्यक्रम नाइ कैना अनुरोध करल बा । बैतडीमे हालसम ३२३ जनहनमे कोरोना पुष्टि हुइल बा कलेसे ४ जाने सक्रिय संक्रमित रहल बाटै ।
