सुदूरपश्चिममे १० जाने संक्रमित ठप्लै

पहुरा समाचारदाता
धनगढी, ३ भदौ । सुदूरपश्चिम प्रदेशमे बुधके रोज १० जाने कोरोना संक्रमित ठपल बाटै । सेती प्रादेशिक अस्पतालके प्रयोगशालामे कैगिल परिक्षणमे ३ जाने ओ डडेल्धुरा अस्पतालमे ७ जाने संक्रमित ठपल बाटै ।

सेती प्रादेशिक अस्पतालके प्रयोगशालामे ७१ जनहनमे कैगिल परिक्षणमे गौरीगंगा–४ के एक महिला, गौरीगंगा–९ के एक पुरुष ओ घोडाघोडी–४ के एक महिलामे संक्रमण पुष्टि हुइल सूचना अधिकारी दिलिप श्रेष्ठ बटैलै ।

ओस्टेक डडेल्धुरा अस्पतालमे ४ सय ७७ जनहनमे करल परिक्षणमे ७ पोजिटिभ डेखल बा । ठपल संक्रमितमे डोटीके सायल २, दिपायल शिलगढीमे २ ओ अछामके मेलेखके ३ करके ७ जनहनमे संक्रमण पुष्टि हुइल अस्पतालके इन्चार्ज ईश्वरीप्रसाद भुषाल जनैलै ।