थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

दुई प्रदेशमे अटवारी पर्वके सार्वजनिक बिदा

पहुरा | ३ भाद्र २०७७, बुधबार
दुई प्रदेशमे अटवारी पर्वके सार्वजनिक बिदा

पहुरा समाचरदाता
धनगढी, ३ भदौ ।
सुदूरपश्चिम ओ प्रदेश नम्बर पाँचमे यिहे भदौ ७ गते परल अटवारी पर्वके लाग सार्वजनिक बिदा डेगिल बा ।

भदौ ७ गते थारु समुदायके ‘अटवारी पर्व’ परल ओरसे दुई प्रदेशके सरकार सार्वजनिक बिदा डेना निर्णय करल हो । सुदूरपश्चिम प्रदेशमे २०७७ जेठ २३ गते बैठल प्रदेश मन्त्रीपरिषद्के बैठकसे करल निर्णय अनुसार सार्वजनिक बिदा सम्बन्धी सूचना प्रदेशके आन्तरिक मामिला तथा कानुन मन्त्रालयसे प्रदेश राजपत्रमे प्रकाशन करसेकल बा ।

ओस्टेक बुधके रोज प्रदेश नम्बर पाँचके आन्तरिक मामिला तथा कानून मन्त्रालयसे सूचना प्रकाशित करके अटवारीके सार्वजनिक विदा डेना निर्णय करल बा । मन्त्रालयके उपसचिव माधवप्रसाद मरासिनीसे हस्ताक्षरित सूचनामे प्रदेश सरकार मन्त्री परिषदके २०७७ बैशाख १० गते हुइल निर्णय अनुसार सार्वजनिक विदा डेना निर्णय हुइल रहे ।

अट्वारीहे थारु समुदायमे डाडुभैया, दिदीबहिनी ओ नातागोटा बीच माया, ममता सद्भाव ओ भातृत्व कायम कैना पर्वके रुपमे मनाजाइठ ।

जनाअवजको टिप्पणीहरू