थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १३ अगहन २६४६, मंगर ]
[ वि.सं १३ मंसिर २०७९, मंगलवार ]
[ 29 Nov 2022, Tuesday ]

कैलालीमे काल्ह रातसे निषेधाज्ञा

पहुरा | ३ भाद्र २०७७, बुधबार
कैलालीमे काल्ह रातसे निषेधाज्ञा

पहुरा समाचारदाता
धनगढी, ३ भदौ ।
कैलालीमे काल्ह (बिफे) रात १२ बजेसे १४ गतेसमके लाग निषेधाज्ञा लगैना हुइल बा । कैलालीके प्रमुख जिल्ला अधिकारी यज्ञराज बोहराके अध्यक्षतामे बैठल जिल्ला संकट व्यवस्थापन समितिके बैठकसे निषेधाज्ञा लगैना निर्णय करल हो ।

यी अवधिमे औषधि, खाद्यवस्तु ओ अत्यावश्यकीय वस्तु खरिदके कामके लाग बाहेक निक्रे नैपैना । अत्यावश्यक कामके लाग बाहेर निक्रलेसे मास्क अनिवार्य लगाइपरना । अस्टेक, अत्यावश्यकीय सामग्री ढुवानी, स्वास्थ्यकर्मी ओ सुरक्षा निकाय बाहेक सवारी सञ्चालनमे रोक लगाइल बा । सक्कु व्यापार व्यवसाय समेत सञ्चालनमे समेत रोक लगाइल बा ।

अस्टेक, डिपार्टमेन्ट स्टोर, सैलुन, व्युटिपार्लर, जिमखाना, फुटपाथमे संचालन हुइना व्यापार, होटर तथा रेष्टुरेन्ट खोले नैपैना निर्णय समेत हुइल बा ।

खाद्यान्न, तरकारी, दूध, फलफूल, सिकारके हकमे सुरक्षाके मापदण्ड पालना कैके खोले सेक्ना जिल्ला संकट व्यवस्थापन केन्द्रके बैठकसे निर्णय हुइल बा ।

जिल्लाभित्तर प्रवेश निषेध करना निर्णय फेन हुइल बा । अत्यावश्यक कार्यालयमे कार्यरत कर्मचारी भर फोटुसहितके परिचयपत्रके आधारमे सवारी संचालन करे डेना हुइल बा ।

Image may contain: text
Image may contain: text

जनाअवजको टिप्पणीहरू