थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २२ अगहन २६४६, बिफे ]
[ वि.सं २२ मंसिर २०७९, बिहीबार ]
[ 08 Dec 2022, Thursday ]

टीकापुर नगरपालिकाहे बसपार्क हस्तान्तरण

पहुरा | ४ भाद्र २०७७, बिहीबार
टीकापुर नगरपालिकाहे बसपार्क हस्तान्तरण

पहुरा समाचारदाता
टीकापुर, ४ भदौ ।
टीकापुर नगरपालिकाहे बसपार्क हस्तान्तरण करगिल बा । सुदूरपश्चिममे नमूना बसपार्कके रुपमे निर्माण हुइल टीकापुर बसपार्कहे बुधके रोज हस्तान्तरण करल हो । संघीय शहरी आयोजना कार्यान्वयन इकाई कार्यालय धनगढीसे टीकापुर नगरपालिकाहे बसपार्क हस्तान्तरण करल हो ।

कार्यालय आयोजना प्रमुख इञ्जिनियर परिक्षित कडरिया नगरपालिकाके प्रमुख तपेन्द्र रावलहे बसपार्कके सक्क कागजात ओ चाभी हस्तान्तरण करल हुइट । शहरी विकास मन्त्रालयके स्मार्ट सिटी कार्यक्रम अन्तर्गत ८ करोड २८ लाख रुपैयााके बजेटमे टीकापुर बसपार्कके निर्माण सम्पन्न हुइल हो ।

बसपार्कमे एकतले टर्मिनल भवन, सुविधा सम्पन्न यात्रु प्रतिक्षालय, रेष्टुरेन्ट, बस, ट्याक्सी तथा मोटरसाइकल पार्कि· रहल बावै । आयोजना प्रमुख कडरियाके अनुसार १ विघा १६ कठ्ठा क्षेत्रफलमे निर्माण हुइल बसपार्कमे २७ ठो बरवार बस, ५० ठो माइक्रोबस, ट्याक्सी ओ ५० से ढिउर मोटरसाइकल पार्किङ करे सेकजैना बा ।

बसर्पाकके दुसरा चरणके लाग समेत ३ करोड रुपैयाँ विनियोजन हुइल जानकारी डेटी कडरिया घेरापर्खाल तला थप्ना काम हुइना बटैलै ।

टीकापुर नगरपालिकाके नगर प्रमुख तपेन्द्र रावल टीकापुरमे एकठो लावा सम्पत्ति थपल बटैलै । ‘यी बसपार्क नगरवासीके सम्पत्ति हो, नगरके आम्दानीके श्रोत हो,’ रावल कहलैै, ‘यिहीसे अव्यवस्थित पार्किङहे व्यवस्थित कैना ढिउर मद्दत पुग्ना बा ।’ बसपार्कके निर्माण राजेन्द्र रोयल जेभी करल हो । निर्माण कम्पनीसे कार्यालयसे २०७७ साउन २ गतेभिट्टर सम्पन्न कैना मेरके २०७५ माघ २ गते सम्झौता करल रहे ।

कम्पनीसे सम्झौता अवधि आघे नै २०७७ बैशाख २६ गते निर्माण सम्पन्न करल रहे । समयावधि आघे नै निर्माण सम्पन्न कैके पुरुस्कारवाफत् कम्पनी बोनस समेत प्राप्त करल रहे ।

जनाअवजको टिप्पणीहरू