थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

महिला होल्डिङ्ग ओ आईसोलेशन सेन्टर सरना

पहुरा | १५ भाद्र २०७७, सोमबार
महिला होल्डिङ्ग ओ आईसोलेशन सेन्टर सरना

पहुरा समाचारदाता
धनगढी, १५ भदौ ।
धनगढी उप–महानगरपालिका बि. पोलिटेक्निकल ईन्ष्टिच्यूटमे संचालन करल महिला होल्डिङ्ग ओ आईसोलेशन सेन्टर उहाँसे सारेक लाग बा ।

धनगढी उप–महानगरपालिका कोभिड उप–समितिके सोम्मार बैठल बैठक होल्डिङ्ग ओ आईसोलेशन सेन्टर उप–महानगरपालिकाके स्वामित्वमे रहल कनरी जडिबुटी प्रशोधन केन्द्रमे स्थानान्तरण कैना निर्णय करल कोभिड उप–समिति संयोजक नारायणप्रसाद बराल बटैलै । बैठकमे बि. पोलिटेक्निकल ईन्ष्टिच्यूटमे महिला होल्डिङ्ग ओ आईसोलेशन संचालनके लाग सहयोग कैना संघसंस्था, निजीक्षेत्रके प्रतिनिधिहकनके उपस्थिति रहल रहे ।

उप–महानगरपालिकासे धनगढीके बि. पोलिटेक्निकल ईन्ष्टिच्यूटके संचालक हिरा भण्डारीसंग मासिक २ लाख २० हजार भाडा, यी अवधीमे खटना कर्मचारीहुकनहे झण्डै ९० हजार तलव डेना करके सम्झौता हुइल रहे । कोभिड उप–समिति संयोजक बराल कहलै, अपने भवनमे सारेबेर उप–महानगरपालिकाहे ब्ययभारफे कम हुई । उप–महानगरपालिकासे यी विषयमे बि. पोलिटेक्निकल ईन्ष्टिच्यूटके संचालक भण्डारीहे पत्र पठाई सेकल बटैले बा । कनरीमे सारेबेर महिला आईसोलेशनमे बेड थप करे सेक्ना बताइल बा ।

बि. पोलिटेक्नीकल ईन्ष्टिच्यूटमे धारल सक्कुहुनके खानपान, औषधी, आवश्यक सहयोग कैना दातृ संस्था, निजी क्षेत्र, मनकारी सक्कुहुनहे हम्रे धन्यवाद डेहे चाहठी उप–समिति संयोजक बराल कहलै, सक्कुहुनसे फेर सहयोगके अपेक्षा करटी । सुरुमे क्वारेन्टीनके लाग निःशुल्क पूर्वाधार सहयोग करलमे हिरा भण्डारीहेफे धन्यवाद डेहे चाहठी ।

धनगढी उप–महानगरपालिकासे बि. पोलिटेक्नीकल ईन्ष्टिच्यूटमे महिला संक्रमितहुकनके लाग अलग अलग १२ सैयाके आईसोलेशन रहे कलेसे प्रदेश भरसे उपचारके लाग धनगढी आइल अप्ठेरोमे परल गर्भवती, सुत्केरीनहे धारेक लाग १० सैयाके होल्डिङ सेन्टरफे बनाइल रहे । ओस्टेक करके धनगढी उप–महानगरपालिकासे कोरोना संक्रमितके लाग वडा नं १५ मे ८७ सैयाके अलग्गे आईसोलेशनफे संचालनमे बा ।

जनाअवजको टिप्पणीहरू