बनल महिना दिनमे भसकगैल तटबन्ध

पहुरा समारचादाता
सुखड, २७ भदौ । कैलालीके बर्दगोरियामे निर्माण हुइल तटबन्ध महिना दिनमे भट्कल बा ।गाउँपालिकाके वडा नम्बर १ स्थित कट्टीपुरमे पर्ना काँडा लडियामे करिब १८ लाख लागतमे निर्माण हुइल तटबन्ध भटकल हो ।

स्थानीय सरकारके १० लाख ओ प्रधानमन्त्री रोजगार कार्यक्रमके ७ लाख २५ हजारके लागतमे दुई उपभोक्ता समिति मार्फत गत आर्थिक बरस २०७६/०७७ मे तटबन्ध निर्माण हुइल रहे ।

काँडा लडियाके कटान रोक्न निर्माण करल तटबन्ध अपनहे ढलल्पाछे लडिया कटान समेत बह्रैले बा । तट्बन्ध निर्माण उपभोक्ता समितिके लापर्वाहीके कारण कुछ दिनमे तटबन्ध ढलल् स्थानीयहुक्रे अरोप लगैले बाटै ।