हुन्डार्ई बम्पर विजेताहे चाभी हस्तान्तरण
पहुरा समाचारदाता
धनगढी, ३० भदौं । हुन्डाई अटोमोबाइल्सके नेपालके लाग एकठो किल आधिकारिक विक्रेता लक्ष्मी इन्टर कन्टिनेन्टल प्रालि एक कार्यक्रममे हुण्डाई फेष्टिभ डिलाइट २०७६ के बम्पर विजेताहुकनहे पुरस्कृत करले बा । हुन्डाई कार्यक्रममे विजयीहुक्रे नागेश्वरप्रसाद शाहहे भेन्यु तथा शालिकराम अधिकारीहे सन्तोमग्ना कारके चाभी हस्तान्तरण करले बा ।
लक्की ड्रके विजेताहुकनके छनौट २९ जुन २०२० मे हिमालय टेलिभिजन प्रत्यक्ष प्रसारण करले रहे । बम्पर लक्की ड्रके विजेताहुकनके साथे दुबई भ्रमण जित्ना १० भाग्यशाली विजेताहुकनके छनौट कार्यक्रमके मुख्य अतिथि कञ्जुमर आई नेपालके अध्यक्ष विमला खनाल करले रही ।
दश भाग्यशाली विजेताहुकनमे भरत सिंह पौडेल, चन्द्रमणि पौडेल, श्रीजेश घिमिरे, महेश्वर लाल सिंह, कृष्णप्रकाश पौडेल शर्मा, राजु शाह, दलबहादुर बिक, विजय अग्रवाल, गणेश हार्डवेर, एनआइसि एसिया बैंक लिमिटेड सीओ निर्भीक सापकोटा, रखातु इन्टन्र्याश्नल प्रालि दुबई भ्रमण जिटल बा ।
कार्यक्रममे सक्कु विजेताहुकनहे बधाई डेटी लक्ष्मी समूहके अध्यक्ष गणेशबहादुर श्रेष्ठ हुण्डाईहे नेपालके सर्वोत्कृष्ट ब्राण्ड बनैना सहयोग करुइया अपन सक्कु ग्राहकहुकनप्रति आभार व्यक्त करलै ।
सक्कु हुन्डाईके गाडीमे ३ वर्ष वारेन्टी, ४ वर्ष फ्रि सर्भिसिङके साथे निःशुल्क सवारी कर भुक्तानी सहित उपलब्ध बा । लक्ष्मी इन्टरकन्टिनेन्टल प्रालिसे नेपालभर १३ शोेरुम तथा १७ सर्भिस सेन्टर मार्फत ग्राहकहुहनके सेवा प्रदान करटी आइल बा । हुण्डाई मोटर कम्पनी विश्वके ५ भारी अटोमोबाइल उत्पादकमध्येमे परठ । यी कम्पनीके उत्कृष्ट उत्पादन विश्वभर करोडांै ग्राहकहुकनके मन तथा विश्वास जिट्ना सफल हुइल बा ।
