जबरजस्ती करणी आरोपमे प्रधानाध्यापक पक्राउ

पहुरा समाचारदाता
धनगढी, ३१ भदौ । धनगढीमे किशोरीउपर जबरजस्ती करणीके आरोपमे एक जनहनहे प्रहरी पक्राउ करले बा ।

बझाङके बित्थडचिर गाउँपालिका–२ घर रहल कलक बहादुर बोहराहे प्रहरी नियन्त्रणमे लेहल हो । बझाङ देउलिकोट घर रहल उहाँ धनगढीमे डेरामे बैठुइया किशोरीहे जबरजस्ती करणी करल आरोपमे जिल्ला प्रहरी कार्यालय कैलाली पक्राउ करल हो ।

भदौ २६ गते किशोरीसे डेहल जबरजस्ती करणीके जाहेरीके आधारमे प्रहरी पक्राउ करल ओ प्रारम्भिक अनुसन्धान सुरु करल कैलाली प्रहरीके प्रवक्ता प्रहरी नायब उपरीक्षक प्रतीक बिष्ट जानकारी डेलै ।
पक्राउ परल बोहरा बित्थडचिर गाउँपालिका–१ मे रहल कालिका बाल ज्योति आधारभूत विद्यालयके प्रधानाध्यापक हुइट ।