कोरोना संक्रमित महिलाके मृत्यु

पहुरा समाचारदाता
धनगढी, ३१ भदौ । सेती प्रादेशिक अस्पतालमे उपचाररत कोरोना संक्रमित महिलाके मृत्यु हुइल बा ।

धनगढी उप–महानगरपालिका वडा नम्वर ५ के ५७ बर्षीया संक्रमित महिलाके बुधके साँझ मृत्यु हुइल प्रादेशिक अस्पतालके सूचना अधिकारी दिलिप कुमार श्रेष्ठ जानकारी डेलै । सूचना अधिकारी श्रेष्ठके अनुसार उहाँहे भदौ १७ गते कोरोना पुष्टि हुइल रहे । कलेसे कडा खालके लक्षण डेखलपाछे १९ गते अस्पतालमे भर्ना करल रहे ।

ओहकान भेन्टिलेटरमे राखके उपचार हुइटी रहल रहे । संक्रमितके प्लाज्मा थेरापीमार्फत उपचार हुइल रहे । कलेसे रेमडेसिविर औषधी समेत प्रयोग करल रे । इ संगे सुदूरपश्चिममे संक्रमित मृतकके संख्या १५ पुगल बा ।