थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० सावन २६४६, सोम्मार ]
[ वि.सं ३० श्रावण २०७९, सोमबार ]
[ 15 Aug 2022, Monday ]

कैलारी गाउँपालिकाके विद्यालय सञ्चालन

पहुरा | १ आश्विन २०७७, बिहीबार
कैलारी गाउँपालिकाके विद्यालय सञ्चालन

पहुरा समाचारदाता
हसुलिया, १ कुँवार ।
कैलालीके कैलारी गाउँपालिका अन्तर्गतके सक्कु विद्यालयके पठनपाठन सुरु हुइल बा ।

विश्व व्यापी रुपमे डेखा परल कोभिड १९ से बन्द रहल विद्यालय कुवाँर १ गतेसे सञ्चालनमे आइल हो । गाउँपालिका अध्यक्ष लाजुराम चौधरी स्थानीय सरकार सञ्चालन ऐन २०७४ के दफा ११ के उपदफा २, खण्ड ज तथा विद्यार्थी सिकाई सहजीकरण निर्देशिका २०७७ के दफा ३ के उपदफा ५ के उपदफा २ तथा दफा ३३ के उपदफा २ ओ ३ मे हुइल व्यवस्था अनुसार वैकल्पिक शिक्षा प्रणाली अपनाके विद्यालय सञ्चालनमे आइल बटैलै ।

गाउँपालिकासे विद्यालय सञ्चालनके लाग ‘कोभिड–१९ रोकथाम तथा नियन्त्रणमे विद्यालय संचालन निर्देशिका २०७७’ तयार करले बा । उ निर्देशिका अनुसार विद्यार्थीहे कट्रा दुरीमे राखके पह्रैना, कौन समयमे पह्रैना, का कैसिन विधि अपनैना, मास्क, सेनिटाजरके व्यवस्था लगायत टमान विषयवस्तु समेटल बा ।

कैलारी गाउँपालिकाके शिक्षा शाखा प्रमुख गणेश मिश्र संघीय शिक्षा मन्त्रालयसे जारी वैकल्पिक प्रणालीसे विद्यार्थी सिकाई सहजीकरण निर्देशिका २०७७ के आधारमे विद्यालय सञ्चालनमे आइल जानकारी डेलै ।

उहाँ बैकल्पिक शिक्षा प्रणाली अपनाके आवश्यक विधि, विद्यालय तथा विद्यार्थीके वर्गीकरण, विद्यालय व्यवस्थापन समिति तथा अन्य सरोकारवाला निकायसे छलफल अन्तरक्रिया कैके सुरक्षाके मापदण्ड अपनैटी विद्यालय सञ्चालन करल बटैलै ।

प्रमुख मिश्र वैकल्पिक शिक्षा प्रणाली अन्तर्गत सिक्षण सिकाई केन्द्र स्थापना ओ रेडियो, टिभी तथा अनलाइनसे कक्षा लेहुइया विद्यार्थीहुक्रनके वर्गीकरण कैके पठनपाठन समेत हुइटी रहल जानकारी डेलै ।

जनाअवजको टिप्पणीहरू