संविधान दिवसके अवसरमे नेपाल टेलिकमसे नानल लौवा अफर
काठमाडौं, १ कुवाँर । नेपाल टेलिकमसे कुवाँर ३ गतेके संविधान दिवस (राष्ट्रिय दिवस) के अवसरमे टमान अफर सार्वजनिक करले बा ।
टेलिकमसे बुधके अनलिमिटेड युट्युब अनलिमिटेड फेसबुक ओ एड–अन प्याक उपलब्ध करैना हुइल हो । यिहे कुवाँर २, ३ ओ ४ गते अनलिमिटेड युट्युब तथा अनलिमिटेड फेसबुक प्याक अलग–अलग रु. ५५ प्रति प्याकमे खरिद करके खरिद करल मितिसे ३ दिनसम प्रयोग करे सेक्जाई ।
ओस्टेक अनलिमिटेड युट्युब ओ अनलिमिटेड फेसबुक प्याकमध्ये कौनो एक प्याक खरिद कैना ग्राहकसे एड–अन प्याकके रुपमे रु. १५ मे १ जीबी डाटा प्याक खरिद करके डाटा प्रयोग करे सेक्ना सुविधा समेत उपलब्ध हुइना टेलिकम जनैले बा । यी प्याकफे खरिद करल मितिसे ३ दिनसम प्रयोग करे सेक्ना जनाइल बा ।
हाल समर अफर अन्तर्गत २८ दिनके समयावधि हुइना १ जीबी पर डे डाटा प्याक रु. ८५० मे उपलब्ध हुइटी रहलमे संविधान दिवसके अवसरमे यम्ने ३४.७ प्रतिशतके भारी छुट प्रदान करल बा । उ अनुसार यी प्याक २०७७ कुवाँर २, ३ ओ ४ गते जम्मा रु. ५५५ मे उपलब्ध हुइना टेलिकम जनैले बा ।
संविधान दिवसके अवसरमे उपलब्ध करल अफर *१४१५*११# डायल करके प्राप्त करे सेक्जैना टेलिकम जनैले बा ।
