थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १७ अगहन २६४६, शनिच्चर ]
[ वि.सं १७ मंसिर २०७९, शनिबार ]
[ 03 Dec 2022, Saturday ]

सुर्मिनाला सिँचाइ योजनाके टिसरा सार्वजनिक सुनुवाइ

पहुरा | १ आश्विन २०७७, बिहीबार
सुर्मिनाला सिँचाइ योजनाके टिसरा सार्वजनिक सुनुवाइ

पहुरा समाचारदाता
हसुलिया, १ कुवाँर ।
सुर्मिनाला सिँचाइ योजनाके टिसरा सार्वजनिक सुनुवाई विफेक रोज हुइल बा ।

सुर्मिनाला सिँचाइ जल उपभोक्ता संस्थाके आयोजनामे हुइल कार्यक्रकमे प्रतिनिधि सभा सदस्य गौरीशंकार थारु वडका पहुना रहिट रहिट । उ अवसारमे प्रतिनिधि सभा सदस्य थारु सिँचाइ सुविधासे धान उत्पादन वृद्धि कैनामे मद्दत पुग्न विश्वास व्यक्त करलै ।

सुदूरपश्चिम प्रदेशसभा सदस्य वीरमान चौधरी योजना सम्पन्न करैना आवश्यक बजेट व्यवस्था कैना पहल कैना प्रतिवद्धता जाहेर करलै । गाउँपालिकाके कृषि क्षेत्रके विकासके लाग सक्कु क्षेत्रसे सहकार्य, समन्वय ओ सहयोग आवश्यक रहल बटैलै ।

सुर्मिनाला सिँचाइ जल उपभोक्ता संस्थाके अध्यक्ष होमबहादुर गुरुङके अध्यक्षतामे हुइल कार्यक्रममे कैलाली सिँचाइ डिभिजन कार्यालय प्रमुख डम्बर बहादुर धिताल, वडा नम्बर ३ का वडा अध्यक्ष कैलाश कुश्मी, भलमन्सा छोटेलाल चौधरी लगायत मन्तव्य व्यक्त करले रहिट ।

कार्यक्रममे सुर्मी सिँचाइ योजनाके ९२ लाख ३५ हजार दुई सय ७० रुपैया ओ कमल पोखरी (पुरैना ताल) सुर्मी सिचाई योजनाके १७ लाख चार हजार पाँच सय ७३ रुप्या बराबरके आयव्याय सदस्य मणिप्रसाद चौधरी प्रस्तुत करले रहिट ।

यी योजनासे वडा नम्बर ३ के उत्तरभडरी, दक्षिणभडरी, लालपुर, निमुवाबोझी ओ खोनपुर करके पाँच ठो गाउँके घरपरिवार लाभान्वित हुइना अध्यक्ष गुरुङ बटैलै । उपाध्यक्ष रामकुमार चौैधरी स्वागत करल कार्यक्रमके सञ्चालन रमेश चौधरी करले रहिट । उ कार्यक्रममे भल्मन्सा ओ उपभोक्ताहुकनके उपस्थिति रहल रहे ।

जनाअवजको टिप्पणीहरू