धनगढीके युवक मृत फेला
पहुरा समाचारदाता
धनगढी, १९ कार्तिक । धनगढी उपमहानगरपालिकाके एक युवक बाजुरामे मृत अवस्थामे फेला परल बाटै ।
उपमहानगरपालिकाके वडा नम्बर १७ के अन्दाजी ४४/४५ वर्षीय पदम प्रजापती मगर बाजुराके बडीमालिका नगरपालिका–२, भौनेरामे मृत अवस्थामे भेटल हुइट ।
भौनेरामे रहल कागज उद्योगमे काम करटी आइल ओहकान शव मंगरके खोल्वामे भेटल जिल्ला प्रहरी कार्यालय बाजुरा जनैले बा । ओहकान शव पोष्टमार्टमके लाग जिल्ला अस्पताल बाजुरामे राल प्रहरी नायव उपरीक्षक मदनजित महरा बटैलै । ‘नाटपाटनहे बोलाइल बा । उहाँहुक्रे आइलपाछे शवके पोष्टमार्टम हुइ,’ उहाँ कहलै ।
ओस्टके घटना शंकास्पद रहल कहटी उहे कागज उद्योगमे काम करुइया दुई जनहनहे नियन्त्रणमे लेके अनुसन्धान हुइटी रहल प्रहरी जनैले बा । पक्राउ परुइयामे धनगढी उपमहानगरपालिका–१७ के मृतकके भाटु ५० वर्षिय रुद्रबहादुर सारु ओ बाजुराके गौलुम गाउँपालिका–२ के दिलबहादुर बोहरा रहल प्रहरी नायव उपरीक्षक महरा बटैलै ।
