१६ जुवारी पक्राउ
पहुरा समाचारदाता
धनगढी,२० कार्तिक । कैलाली लम्कीचुहा नगरपालिका वडा नं.७ स्थित कुस्माखर देवकोटाके पक्कीघरमे जुवातास खेल्टी रहल १६ जुवारी पक्राउ करल बाटै ।
गोप्य सूचनाके आधारमे ईलाका प्रहरी कार्यालय लम्कीसे खटल प्रहरी टोली ५२ हजार ३ सय पन्चानब्बे नगद रुप्यासहित पक्राउ करल जिल्ला प्रहरी कार्यालय कैलालीके प्रवक्ता प्रहरी नायव उपरीक्षक प्रतिक विष्ट जानकारी डेलै ।
पक्राउ परलमे कैलाली लम्कीचुहा नगरपालिका वडा नम्बर ४ बैठना बरस ३५ के मनिप्रकाश कुमार जैसी, बर्ष ३१ के गणेशप्रसाद न्यौपाने, बर्ष ५८ के चन्द्रप्रसाद न्यौपाने, बर्ष २५ के रमेश बिष्ट, बर्ष ३५ के कमलप्रसाद जैसी, बर्ष ३३ के दयाराम न्यौपाने, बर्ष ३० के भानुप्रसाद जैसी, बर्ष २५ के ईश्वर शर्मा रहल बाटै ।
ओस्टेक उहे वडाके बर्ष ३१ के नरदेब चौलागाई, वडा ७ बैठना बर्ष २२ के देवेन्द्र रावत, बर्ष ५० के तारा ढकाल, बर्ष ४० के रुपानन्द बजगाई, बर्ष ३२ के रामबहादुर चौधरी, बर्ष ३० के लक्ष्मी आचार्य, बर्ष ४२ के जनक भण्डारी ओ बर्ष ३२ के कुष्माखर देवकोटाहेफे पक्राउ करल प्रवक्ता विष्ट जनैलै ।
