थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ सावन २६४६, अत्वार ]
[ वि.सं २९ श्रावण २०७९, आईतवार ]
[ 14 Aug 2022, Sunday ]

सुदूरपश्चिममे कोरोना जोखिम बह्रल

पहुरा | २१ कार्तिक २०७७, शुक्रबार
सुदूरपश्चिममे कोरोना जोखिम बह्रल

९२ संक्रमित ठप्लै, वडाध्यक्षके ज्यान गैल

पहुरा समाचारदाता
धनगढी, २१ कार्तिक ।
सुदूरपश्चिम प्रदेशके सेती प्रादेशिक अस्पतालमे पछिल्का २४ घण्टामे कैगिल परिक्षणमे ९२ जाने कोरोना भाइरसके संक्रमित ठपल बाटै ।

सेती प्रादेशिक अस्पतालमके सूचना अधिकारी दिलिपकुमार श्रेष्ठसे डेहल जानकारी अन्सार कैैलालीमे सबसे ढेर ७४, कञ्चनपुर १५, डोटी १, अछाम १, सुर्खेत १ लौव संक्रमित ठपल हुइट । ३२३ जानेक पीसिआर विधिसे जाँच करलमे ३० महिला ६२ जाने पुरुषमे कोरोना भाइरस संक्रमण पुष्टि हुइल सूचना अधिकारी श्रेष्ठ बटैलै । कैलालीके धनगढी उपमहानगरपालिका अन्तर्गत टमान वडामे ४१ जाने, जानकीमे १९ जाने, टीकापुरमे ९ जाने, जोशीपुर ओ चुरेमे २/२ जाने, कैलालीके १ जनहनमे संक्रमण पुष्टि हुइल उहाँ बटैलै ।

कञ्चनपुर जिल्लाके बेदकोटमे ९ जाने, पुनर्वास–४, बेलडाँडी–४, बेलौरी, कञ्चनपुर–२, भीमदत्तनगरमे एक/एक जनहनमे संक्रमण पुष्टि हुइल बा ।

ओस्टेक डोटी, अछाम, सुर्खेतमे एक/एक जाने लौव संक्रमित ठपल सूचना अधिकारी श्रेष्ठ जनैलै ।
सेती प्रादेशिक अस्पतालके कोभिड आइसोलेशन वार्डमे सुदूरपश्चिम प्रदेशके ४७ जानेक उपचार करैटी रहल बाटै । जेम्ने सबसे ढेर धनगढीके २८ जाने, गोदावरी–९ के ४ जाने, कञ्चनपुर भीलदत्त नगरपालिका ओ बेलौरीके ३/३ जाने रहल बाटै । डडेल्धुरा अमरगढीके २ जाने, दशरथ चन्द–४ बैतडी, अछामके साँफेबगर–३, मेल्लेख–७,महाकाली–४ दार्चुला, चैनपुर–९ बझाङके एक÷एक जाने करके ४७ जानेक कोभिड आइसोलेशन वार्डमे उपचार हुइटी रहल सेती प्रादेशिक अस्पताल जनैले बा ।

ओस्टेक शुकके रोज कैलाली गौरीगंगा नगरपालिका वडा नम्बर ३ के वडाध्यक्ष नरेन्द्रबहादुर शाहके कोरोना संक्रमणसे मृत्यु हुइल बा । सेती प्रादेशिक अस्पतालके कोरोना अस्थायी अस्पतालमे उपचाररत वडाध्यक्ष नरेन्द्रबहादुर शाहके शनिच्चर सकारे बिहान मृत्यु हुइल हो ।

वडाध्यक्ष शाह १० दिनसे सेती प्रादेशिक अस्पतालके कोरोना अस्पतालमे उपचाररत रहिट । उहाँहे भेन्टिलेटरमे ढरके उपचार हुइटी रहे । कर्रा मेरिक निमोनिया डेखाइलपाछे कार्तिक १२ गते अस्पताल भर्ना हुइल शाहहे १७ गते कोरोना पुष्टि हुइल रहे । संक्रमण पुष्टि हुइलपाछे ७३ वर्षिय शाहहे कोरोना अस्थायी अस्पतालमे सारल रहे । उपचारके क्रममे शाहके मृत्यु हुइल अस्पतालके सूचना अधिकारी दिलिपकुमार श्रेष्ठ पुष्टि करलैं । वडाध्यक्ष शाह गौरीगंगा नगरपालिकाके प्रवक्ता समेत रहिट ।

ओस्टेक पछिल्का २४ घण्टामे देशभर ठप २९०९ जनहनमे कोरोना भाइरस संक्रमण हुइल बा । स्वास्थ्य तथा जनसंख्या मन्त्रालयके अनुसार १०१५३ जनहनके पीसीआर परीक्षण हुके १७७६ पुरुष ओ ११३३ जाने महिलामे संक्रमण पुष्टि हुइल हो । यी संगे नेपालमे कोरोना संक्रमितके कुल संख्या १ लाख ८८ हजार ८८३ पुगल बा । पछिल्का २४ घण्टामे ४५ सय जाने ठिक हुइल बाटै । हालसम संक्रमणमुक्त हुइलके संख्या १ लाख ५२ हजार ९०८ पुगल बा ।

मन्त्री शाहहे ठप उपचारके लाग काठमाडौं रिफर

कोरोना सङक्रमण डेखल सुदूरपश्चिम प्रदेश सरकारके आन्तरिक मामिला मन्त्री तथा प्रवक्ता प्रकाशबहादुर शाहहे ठप उपचारके लाग काठमाडौ लैजागिल बा ।

स्वकीय सचिव जंग विकके अनुसार मन्त्री शाहके सिम्रिक एअरके हेलिकोप्टरमे काठमाडौ लैगिल हो । गैल अठुवार मन्त्री शाहहे कोरोना डेखल रहे । विफेक सकारे मन्त्री शाहके नाकसे रगत अइना समस्या डेखलपाछे धनगढीके सेती प्रादेशिक अस्पतालमे भर्ना करल रहे । उहाँहे जुरी अइटी रहलफे बटाइल बा ।

मन्त्री शाहके गोसिनीय लक्ष्मी भट्टलहे कोरोना डेखल बा । उहाँक अवस्था सामान्य बा । हम्रे खानपिन करटी रही सक्कु सामान्य रहे, विफेक रोज नाकसे रगत अइना समस्या डेखल मन्त्री शाहके गोसिनीय भट्ट बटैली ।

जनाअवजको टिप्पणीहरू