बृहत पोषण प्याकेज सम्बन्धी क्षमता अभिवृद्धि तालिम सुरु
पहुरा समाचारदाता
हसुलिया, ११ फागुन । कैलालीके कैलारी गाउँपालिका–५ स्थित पवेरामे स्वास्थ्यकर्मीके लाग बृहत पोषण प्याकेज सम्बन्धी क्षमता अभिवृद्धि तालिम सोम्मारसे सुरु हुइल बा ।
कैलारी गाउँपालिकाके स्वास्थ्य शाखासे तालिमके आयोजना करल हो । गाउँपालिकाके अध्यक्ष लाजुराम चौधरी एक कार्यक्रमकाबीच तालिमके उदघाटन करलै । पोषण स्थितिमे सुधार नन्ना उद्देश्यसे वृहत पोषण प्याकेज सम्बन्धी तालिमके आयोजना करल गाउँपालिकाके स्वास्थ्य शाखा प्रमुख वीरेन्द्र सापकोटा जानकारी डेलै ।
एक हप्ताके लाग आयोजना करल तालिममे उ गाउँपालिकामे कार्यरत स्वास्थ्यकर्मीहुकनके सहभागिता रहल बा । ‘स्वास्थ्यकर्मीके क्षमता अभिवृद्धिके लाग तालिम आयोजना करल हो’, सापकोटा कहलै ।
तालिममे सिकल बाट स्वास्थ्यकर्मी आ–अपन कार्यक्षेत्रमे लागू करही ।’ वडा नम्बर ५ के वडा अध्यक्ष विष्णुप्रसाद चौधरीके अध्यक्षतामे हुइल उदघाटन कार्यक्रममे गाउँपालिकाके प्रमुख प्रशासकीय अधिकृत खगेन्द्रराज जोशी, स्वास्थ्यकर्मीके उपस्थिति रहल रहे ।
