थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

दुर्घटनामे १ के मृत्यु, १८ घाहिल

पहुरा | १६ पुष २०७९, शनिबार
दुर्घटनामे १ के मृत्यु, १८ घाहिल

पहुरा समाचारदाता
धनगढी, १६ पुस ।
कैलाली गौरीगंगामे हुइल हाइस दुर्घटनाके मृतक ओ घाइते १८ जनहनके पहिचान खुलल् बा ।

कैलालीके गौरीगंगा–६, बनवेहडामे सुदूरपश्चिम प्रदेशके ०२००१ ज ४०६ नम्बरके हाईस दुर्घटना हुइल प्रहरी जनैले बा । शनिच्चर सकारे १०ः२० बजेमे महेन्द्रनगरसे टीकापुर जैटी रहल उ हाईस अपनहे अनियन्त्रि होके सडकके नालीमे पलटके दुर्घटना हुइल हो ।

दुर्घटना होके १ जनहनके मृत्यु हुइल बा कलेसे १८ जाने घाहिल हुइल सुदूरपश्चिम प्रदेश ट्राफिक प्रहरी कार्यालय जनैले बा । मृत्यु हुउइयामे कैलालीके लम्की चुहा नगरपालिका–१ के ७३ वर्षिया कर्मा प्याकुरेल रहल बाटी । ओहकान धनगढीस्थित माया मेट्रो अस्पतालमे उपचारके क्रममे मृत्यु हुइल हो ।

ओस्टके घाहिल १८ जनहनके फेन पहिचान खुलल् बा । घाहिल होके पदमा अस्पताल अत्तरियामे र्भा करल २५ वर्षीय गजेन्द्र प्याकुरेलके कम्मर ओ मुहमे चोट लागल बा । ओहकान अवस्था गम्भिर रहल प्रहरी जनैले बा ।

ओस्टके अन्य घाईते हुउइयामे बेदकोट १० के २९ वर्षिय मुकेश राना, भिमदत्त ३ के ३१ वर्षिय रुद्र गुरुङ, जानकी ४ के ३७ वर्षीय रामबिलास रावत, ओहकान ३२ वर्षीया गोसिनिया अञ्जली रावत, कैलालीके भजनी नगरपालिका–२ के ३४ वर्षीय मोहन डंगौरा, ओहकान गोसिनिया ३३ वर्षीया जानकी डंगौरा, छावा ६ ओ ७ वर्षीय आदित्य डंगौरा समेत घाहिल हुइल बाटै । टीकापुर नगरपालिका–१ के कृष्णा चौधरी ओहकान छावा प्रिन्स चौधरी, उहे ठाउँके पूजा चौधरी रहल बाटै ।

बर्दिया घर रहल ४० वर्षीय प्रकाश खडायत, बर्दियाके ४६ वर्षीय लालबहादुर गाहामगर, बर्दियाके ४० वर्षीया मनुकुमारी चौलागाई, बर्दिया गेरुवा ५ के राम खडायतके अवस्था गम्भीर रहल प्रहरी जनैले बा । जानकी गाउँपालिका–४ के मन कठरिया, जानकी गाउँपालिका–६ के ३५ वर्षीया अञ्जली चौधरी फेन घाहिल हुइल बाटै ।

जनाअवजको टिप्पणीहरू