थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]
‘ कैलारी अध्यक्ष रनिङ प्रतियोगिता ’

ब्याडमिन्टन खेलओरके उपाधि वडा–१ के टिमहे

पहुरा | १७ पुष २०७९, आईतवार
ब्याडमिन्टन खेलओरके उपाधि वडा–१ के टिमहे

पहुरा समाचारदाता
हसुलिया, १७ पुस ।
कैलालीके कैलारी गाउँपालिकामे जारी अध्यक्ष रनिङ प्रतियोगिताके ब्याडमिन्टन खेल ओर वडा नम्बर १ के टिम उपाधि हासिल करले बा ।

यिहे पुस १५ गतेसे सुरु हुइल अध्यक्ष रनिङ प्रतियोगितामे शनिच्चरके रोज वडा नम्बर १ ओ वडा नम्बर ८ के टिम विच हुइल फाइनल खेलमे वडा नम्बर १ पहिल हुइल ब्याडमिन्टन प्रतियोगिताके संयोजक सुनिल चौधरी बटैलै । वडा नम्बर ८ के टिम दुसरा हुइल बा ।

जारी अध्यक्ष रनिङ प्रतियोगितामे व्याडमिन्टन खेलके लाग नौ वडासे दुई/दुई ठो करके १८ टिम सहभागी हुइल रहे । फाइनल खेलमे वडा नम्बर १ से प्रदीप चौधरी ओ भगवान चौधरी रहिट । वडा नम्बर ८ से सुरेश कठरिया ओ बैजनाथ चौधरी रहिट । पुरस्कार राशी पहिलहे २० हजार ओ दुसरहे १० हजार डेना कहल बा । पुरस्कार वितरण भर अध्यक्ष रनिङ प्रतियोगिताके सक्कु खेलके फाइनलके दिन वितरण कैजाई ।

यिहीसे आघे कैलारी गाउँपालिकाके अध्यक्ष राजसमझ चौधरीके वडकामे ब्याडमिन्टन खेलके उदघाटन कार्यक्रम हुइल रहे । विशिष्ट पहुनामे गाउँपालिका उपाध्यक्ष भगवतीकुमारी चौधरी रहिट । ओस्टेक करके विशिष्ट पहुनामे वडा नम्बर १ के वडा अध्यक्ष धोजहरिपाल बोहरा, वडा नम्बर ३ अध्यक्ष सन्तराम चौधरी रहिट । ब्याडमिन्टन प्रतियोगिताके संयोजक सुनिल चौधरीके अध्यक्षतामे हुइल खेलके वडका पहुना व्यानर पह्रके ओ कर्क डेके उदघाटन करल रहिट । कार्यक्रमके संचालन आशिक चौधरी करले रहिट ।

जनाअवजको टिप्पणीहरू