नमस्ते सहकारीके २०औ साधारणसभा इकाई तहसे सुरु
पहुरा समाचारदाता
धनगढी,१९ पुस । नमस्ते बचत तथा ऋण सहकारी संस्था लिमिटेड अपन २०औं साधारण सभा धनगढी उपमहानगरपालिका–१५ कनरीसे सुरुवाट करले बा ।
संस्थाके २०औं साधारणसभा सहकारी ऐन २०७४ तथा सहकारी नियमावली २०७५ ओ सहकारी संस्थाके विनियमके अधिनमे रहिके स्वीकृत कार्यक्षेत्रहे पाँच भागमे विभाजन करके इकाई तहमे मंगरसे साधारण सभा सुरुवाट करल हो । नमस्ते सहकारी २०औ साधारणसभा इकाई तहके कनरीसे हुइल कार्यक्रमके वडका पहुना जनजागृति आधारभूत विद्यालयके विद्यालय व्यवस्थापन समितिके अध्यक्ष रामदिन चौधरी रहल रहिट । कार्यक्रममे संस्थाके प्रवन्धक विजय चौधरी आर्थिक बर्ष २०७८÷२०७९ के आयव्यय प्रस्तुत करल रहिट । साधारणसभामे आर्थिक बर्ष २०७८÷२०७९ सालके वार्षिक प्रतिवेदन, प्रतिनिधि छनौट, प्रस्ताव प्रस्तुत पेश हुइल रहे ।
उपसमितिके संयोजक विजय महतोके अध्यक्षतामे हुइल कार्यक्रममे संस्थाके अध्यक्ष जगतराम चौधरी,उपाध्यक्ष रोहितकुमार चौधरी, सचिव खडकबहादुर चौधरी, कोषाध्यक्ष महेश चौधरी, सदस्य दशिराम चौधरी, नन्दलाल चौधरी, सुर्य प्रसाद चौधरी सुकदेव चौधरीलगायत संस्थाके कर्मचारीनके सहभागिता रहे । कार्यक्रमके संचालन ठाकुरप्रसाद करियाप्रधान करले रहिट । कनरीमे हुइल कार्यक्रममे वडा नम्बर ७ (वेली, पटेला), १४, १५, १६, १७, १८ ओ १९ नम्बर वडाके शेयर सदस्यहुकनके सहभागिता रहे ।
ओस्टेक करके आज बुधके रोज पुस २० गते धनगढीके थारु छात्रवासमे कार्यक्रम हुइना बा । यहाँ वडा नम्बर १, ६ मे पर्ना (जाली, विजुलिया, जोक्हिया गाउँ), ७ के मनेहरा देवहरिया गाउँ, ८, ९, ११ ओ १२ के शेयर सदस्यहुकनके सहभागिता रहि ।
पुस २१ गते तारानगरके देउथानमे कार्यक्रम हुइना बा । यहाँ वडा नम्बर ५, ६ मे पर्ना मतियारी, घोरसुवा गाउँ), ११ ओ १३ के शेयर सदस्यहुकने सहभागिता रहना बा । पुस २२ गते धनगढी उपमहानगरपालिका–२ पिपल चौतरा बैयावेहडीमे कार्यक्रम हुइना बा । यहाँ वडा नम्बर २, ३ ओ ४ शेयर सदस्यहुकनके सहभागिता रहना बा ।
पुस २३ गते धनगढी उपमहानगरपालिका–१० जुगेडास्थित जनकल्याण माविमे कार्यक्रम हुइना बा । यहाँ वडा नम्बर १० के शेयर सदस्यके सहभागिता रहना बा । कलेसे पुस २५ गते साधारणसभाके इकाई बैठकके प्रतिनिधिहुकनके निर्णय प्रमाणित कैना ओ साधारणसभाके समापन कार्यक्रम धनगढी–७ देवहरियास्थित थारु छात्रवात्रमे हुइना संस्थाके अध्यक्ष जगतराम चौधरी बटैलै ।
