थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

सुदूरपश्चिम प्रदेश प्रमुख जोशीसे सरकार गठनके लाग आह्वान

पहुरा | २० पुष २०७९, बुधबार
सुदूरपश्चिम प्रदेश प्रमुख जोशीसे सरकार गठनके लाग आह्वान

पहुरा समाचारदाता
धनगढी, २० पुस ।
सुदूरपश्चिमके प्रदेश प्रमुख देवराज जोशी सरकार गठनके लाग आह्वान करले बाटै । प्रदेश प्रमुख जोशी प्रदेशसभामे प्रतिनिधित्व करुइया दलहे पुस २७ गते साँझ ५ बजेभिट्टर मुख्यमन्त्रीमे दाबी पेश कैना आह्वान करले बाटै ।

प्रदेश प्रमुखके कार्यालयसे जारी करल विज्ञप्ती अनुसार संविधानके धारा १६८ के उपधारा (२) बमोजिम सरकार गठनके लाग आह्वान करल जानकारी डेलै । दाबी पेश कैना २७ पुस साँझ ५ बजेसम समय डेहल बा ।

संविधानके धारा १६८ के उपधारा (१) बमोजिम सरकार बनाइक लाग कौनो फेन दलके बहुमत नैपुग्ना हुइल ओरसे धारा (२) अनुसार दुई वा दुईसे ढेर दलके समर्थन प्राप्त प्रदेशसभा सदस्यहे प्रदेश प्रमुख मुख्यमन्त्रीमे नियुक्त कैना बाटै ।

ओस्टके नियुक्त मुख्यमन्त्री ३० दिनभिट्रे प्रदेशसभामे विश्वासके मत प्राप्त करे पर्ना रहठ् । ५३ सदस्यीय सुदूरपश्चिम प्रदेशसभामे सरकार गठनके लाग २७ जनहनके समर्थन चाहठ् । यहाँ १९ सिटसहित नेपाली कांग्रेस सबसे बरवार पार्टी बनल बा । माओवादी केन्द्रके ११ , नेकपा एमालेके १०, नागरिक उन्मुक्तिके ७, नेकपा एसके ४ , राप्रपा १ ओ एकजना स्वतन्त्र सांसद रहल बाटै ।

जनाअवजको टिप्पणीहरू