थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

विकास निर्माण योजनाके अनुगमन

पहुरा | २१ पुष २०७९, बिहीबार
विकास निर्माण योजनाके अनुगमन

पहुरा समाचारदाता
हसुलिया, २१ पुस ।
कैलालीके कैलारी गाउँपालिकामे विकास निर्माण योजनाके गाउँपालिका स्तरीय अनुगमन समुहसे अनुगमन करले बा ।

गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी सहित प्राविधिक टोलीसे बुधके रोज टमान योजनाके स्थलगत अनुगमन करल हो । गाउँपालिकास्तरीय अनुगमन समुहसे पालिकाके टमान वडामे सञ्चालित निर्माणाधीन योजनाके गुणस्तर रहल÷नइरहल बारेमे अनुगमन करल समिति संयोजक भगवतीकुमारी चौधरी बटैली ।
गाउँपालिका स्तरीय अनुगमन समुहसे कैलारी–२ स्थित हरिलाल चौधरीके घरसे बसौटीके करमदेव बाबा मन्दिरसम हुइटी रहल सडक स्तरोन्ती अन्र्तगतके कामके अनुगमन हुइल रहे । विनियोजित १५ लाख बजेट निर्माण हुइल यहाँ अब्बे माटी पटानी करके डेनसिटि डेहल बा ।

वडा–२ स्थित राष्ट्रिय मावि विचैपुरमे विद्यालय भवन निर्माणके अनुगमन कैगिल बा । २० लाख रुप्यामे निर्माण हुइटी रहल यी भवनके ४० प्रतिशत काम हुइल योजना शाखाके प्रमुख सन्तोषकुमार चौधरी बटैलै ।

समितिसे करल अनुगमन करल वडा–६ स्थित सरस्वती मावि खरहुवाखेराके भवन निर्माण ५० प्रतिशत सम्पन्न हुइल बा । वडा–९ के सडक स्तरोन्नती सामरचौरासम्म माटी पटानी हुइल बा कलेसे डेनसिटी जाँच कैना बाँकी बा ।

अनुगमन टोलीसे वडा–२ स्थित जनकल्याण नमुना आधारभुत विद्यालयके भवनके अनुगमन करटी ठेकेदारहे हाली काम सम्पन्न सुझाव डेहल उहाँ बटैलै । यहाँ काम पुरा काम हुइना बाँकी रहल ओरसे काम करल अनुसारके पैसा भुक्तानी कैना ओ काम सेकलपाछे केल पुरा पैसा डेनाफे समिति कहले बा । ओस्टेक करके अनुगमन समितिसे वडा–६ के ग्राभेलकेफे अनुगमन करले बा ।

गाउँपालिकासे सम्झौता हुइल योजनाके काम जारी रहलफे उहाँ बटैलै । गाउँपालिका अन्र्तगत ६५ योजना मन्से ५३ ठो योजनाके सम्झौता हुके काम आघे बह्रल बा । कुछ योजना सम्पन्न हुके अनुगमनके काम जारी रहल योजना प्रमुख बटैलै ।
अनुगमन टोलीमे गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी, समितिके सदस्य तथा वडा नम्बर ९ के अध्यक्ष खेमराज चौधरी, पूर्वाधार विकास समिति संयोजक तथा वडा नम्बर ६ के अध्यक्ष प्रेमबहादुर चौधरी, योजना शाखा प्रमुख सन्तोषकुमार चौधरी, किरण चौधरी ओ प्राविधिक आइसा खातीलगागतके सहभागिता रहे ।

जनाअवजको टिप्पणीहरू